Say Komisión na hapag a Bansá nen José Rizal a pinalsa na 10 na Agosto na 1954 na Orden Ejecutivo, bilang a 52, tan say ganggan, bilang 1427 na Repúblika, ya intalagan pansilibra na inkianak na bayani ono héroe na lapag a bansá, walan nibilang ed saray kimey to so pamaigalot a pamaipalapag na amin iray insusulat nen Rizal ya apapaway a petepeteg ya anggapoy duaruwan gawa to. Diad saray dakdakel iran kimey to walaran nibilang so tungtong iran Noli Me Tangere tan El Filibusterismo, saray iniiyan ton paliwawa ed Sucesos de las Islas Filipinas (Saray Agawgawa ed Kapolony Pilipinas) a gawa nen Dr. Antonio de Morga. saray anlong, saray akda, saray melodrama, sulsulat, etc. Sarayan insusulat to sakey iran katipunan na kimey ed matunong a panangikurang na nanduruman kipapasey bilay, ya mairap ira tan ag ira dia petepeteg a nakalakalan petekan a bilayan.. Ontan man, agmi napokpokay panakalmin pangikurit dia na in- kuan nen Sumulat ya W. E. Retana, kastilan inanak ed España ya walay panaon a mapalaloy impamusol to tan impanpauges tod Rizal, tan diad unor balet et nanmaliw a sikatoy inmonaona tan sakey ed saray sankaabigan ya nansulat na impanbilay to, ya nipaakar ed sarayan insusulat:
"Abagey la ya agdara abasad España so insusulat nen Rizal, lalo lad saray mamakauley! Diad pakamurekdek na lugan day insusulat to, lalon mantagey so panamabli ed sayan balitadon tagalog ya oliran na kabintaan tan matuwan pakanengnengan na panagnunot a matonung; toon imbagat toy inkasikato, ya anta sikakabat a sipor ya say pangibaga toy katuwaan ————— a natan et birbiren lay amin a too andibali pigpigaran nilikor! ————— et panlapoay isabid sikatoy dakdakel a kaermenan, (ya aliwan diad sikato lambengat no ag pati saray boleg to) inako tod sikaton díli so pangibelyaw tod sayan katuwaan ed amin ya oras, amin a tanila, tan amin a kipapasen.......... Diad panumameng na lugan day insusulat to, lalon manbaleg so pananisia ya sikato aliwan filibustero no agta SAKEY A SANKATONUNGAN, SAKEY A MAAROD DALIN TON NIANAKAN ya diad impakatalus ton malinlinew na panaon a panbibilayan to, et say alenleneg a pilalek tan pirawat to say pangipagamor komoy España ed Pilipinas na saray Pankatonungan a manlapod Kawayangan, tan
