daan! Diad saraman a panaon nanengneng iran manpeperper so periso ya mantotuntonan, poklis ira, tan akaaysing iray antikey so taklay insan nansanual iray anggad pueg a sinulatay numero tan batek iran inanágan; diad salí ra walan isagarsagar day gulonggulong a balatyang a binabaliberay akiriringot a lupot ta piano ag lági nagasgas a maong so laman da ono pian ag onpalkap ed balatyang ya ambetebetel; nantetekep iran sanderua, atektektek larad agew, makapkapoy larad kesaw tan petang, et siansian dadagdagen tan leleweten iray sakey a babuyan a sankaegnaay kapara ran periso ya napapalemew toy irirap to lági ed pakapapairap to met er saray arum. Lalakí ran atatágey, ambilbilunget so lupa ra ya agnin balot anengneng nen Ibarra ya apalinak na anggan saksakey ya imis; saray matá ra balet mandarlang ira, lalola no samay babuyan et manngisiw ya ondapod abalá ra, odino sakey ya onlalabas et bontokan toray pongpong na tabako ya ambasa la tan nabubúyak; dukduken ed satay sankaasinggeran ed dapoan ton pasen, tan yamot tod takokó to; saramay arum nengnengnengen daray onlalabas na dumaduman kalilimgis. Singa toni sankarengel so tanol dan mantetemek na bató ya itatabon dad aboabot, tan ontan met na makalatakat a tanol daran may grillos tan gulonggulong a balatyang ed kalitkalit dan linmalarag. Singa onggiwgiw nin anggad natan no nanunotan toy anengneng ton aminsan a nitatak ed malanguer nin kanunotan to: otiagew a sankaktangán ya alabás nen youpoupot na agew ya ibobunlok ya ipepelag so petang day sinag to. Diad silong na sakey a kariton a kiew, wadman a naonat so sakey ed saraman a piriso ya ag onggalagalaw a midio akamulagat iray matá to; duara met ed sikará, aapigeren day sakey a sakbatan a kawayan ya andi esel da, andin petang na uló, andi ermen, andi met unganget a singa petepeteg a pangipapasenan day arum ya ugali ray naturales." "Natan sikay ompatey, nabuas sikami," kuanda ed nunot da lági. Saray totoo manaakar iran masigsiglat ya anggapoy walad sikarad saman ya agawa, saray bibiin onlalabas, nengnengen da, tan ituloy day
panaakar da; sakey ya agawan maranay lan nanenengneng tan lapod ontan binmukling laray kapusoan; sa-
(1) Sikatoyay pananawag da nen saman ed saray pilipino ya ag alaokay dala ra na dala ray totoo ed arum iran bansa.
