yo, ikuay Uley: 'Papaugesen dara ta sankanengneng dan baleg iran makasbel ed pakarapat dad kawayangan, kanian sirin manepeg iran pagnayonen.""
"No dengelen iray Uley balet ey? Say Uley no maminsan ...."
"Ag tora dengelen!"
"Ontan man, no onsabi ágom to et labay ton aleen so nanaala tayo. . . . no wala bilang so sakey a toon masulong tan masebeg ....."
"Pangaskasíyan so sabien ton tan a too!"
Ag ira inmesel a dua.
"Sakey ni," kuanton intuloy nen agmakayari, "nakaukolan tayo ya walay manpauges ed sikatayo, walay manliing, ta onia labat so pakapikabat tayo no anto ray kakapoyan tayon díli pian naapiger tayo ra. Nabubulag itayo na alablabas a dayew, singa ibaba da itayo ya ipapaugip, say pakanengneng dad sikatayo balet ed paway makapalpalek, tan diad isabi agew ya amin lan totooy manelek tan manbalaw, satan ya agew napaktak itayon singa inkagawa tayo ed Europa. Anggapo lay ontubong a kuarta ed simbaan, anggapo lay mansaliw na eskapulario, ni balkés, ni anggan antó, tan no aliwa itilan mayaman anggapo lay napanisia tayo
"Psh! Wala niray maawang a kaumaan tayo, wala niray arum a dakel a daldalin, aboabong ....."
"Naikbanan tayo ra tan ya amin a singa impakaik ban tayo ed Europa! Tan say lalon mauges ta sikatayo lanlamang so manggagaway makaderal ed sikatayon dili. Alimbawa: say ag nasuksukat a pilalek a pangitatagey a tinaon ya andi dankaan na kánon day daldálin tayo, pilalek ya abayag ko lan susumpaen ed saray Capitulo(1) et anggapo ni agawaan kon anggad natan, satan a pilalek sikatoy makaderal ed sikatayo! Say indio napasoot a manaliw na dálin iran kapara onó magmaong nen saray dálin tayo. Balbaleg so pagak ya onggapo itilan onoosdong: Quos vult perdere Jupiter dementat prius:(2) Nisesengeg ed saya ag manepeg a pespesen ti nira; say baley onggagapo lan nguronguro. Maong
(1) Pananawag ed miting day papárin ampoti tan saray papárin andeket (pilipinos) a pamili rad saray mamakauley da tan panguntengan da met ed arum niran pamaaakaran a nipaakar ed Religion.
(2) Saray labay nen Jupiter a pirdien, deralen toni oló ran onona.
