- 24
Saca ibinogtac an marcang pangero
na itinagama sa principeng tolo
gñonian magbabayad an magña malobo
can pig-api ninda sa saco guinibo
Gerohan co sinda hayop an cabagay
na-i-aarog co sa magña carabao
na bilang señal co na pagbidbiran
na con domatong na an capanahonan
Ipagpadigdi co na sacong isaysay
ining tolong bilas sa hadeng manugang
can sinda omabot sa cuevang o tocan
nin magna leones natacot na ana.
Sa macuring handal nin saindang boot
caidtong cadlagan masolong masibog
daculang totoo an saindang tacot
sa magna duduman mababagñis na hayop
Nacatanao sinda nagtucao na tauo
idto daing iba si Don Juan Tiñoso
gabos na leones dorocó an payo
an cahalimbaua an magna cordero.
Sa daculang tacot asin cahandalan
huminanap sinda cahoy na halangcao
an tolong principe suminacat duman
saca nagcurahao ini an ipolay.
