-Pagribók, paggubót? nagpakiana an Hataas in Katungdanan nga nagkinita han nagkakatugbang ha lan- tugi, paluyuluyó daw sugad hin waray niya nasasayuran.
-Pinangunguluhan hin mga batan'on nga sinisiring nga uraura hin kamanga-repormista ngan kamanga-ade- lantado sidngon ta na la, dinugangán han Sekretaryo ngan sinmiplat han dominiko. May uusá ha ira nga ginngangaranan kan Isagani, nga bagá lisáng... umang- kon hin usa nga kura nga klerigo...
-Akon tinun'an, nagsiring hi P. Fernandez, -ngan waray ko mayayakan patok ha iya...
-Punyales, diri liwát tiaw nga paghiayuni! -na- mulong hi P. Camorra; -didto ha bapór gutiay la kami magsuntukay kay waray batasan; itinikwang ko ngan binulós man ako hin pagtikwang!
-May ada liwat usa nga tinatawag nga Macaragui o Macarai...
-Macarai, binmaton hi P. Irene nga inmirog; asya in usa nga batan'on nga buutan ngan sangkayanon.
Ngan hinmuring ha talinga han Heneral: -Amo ito an iginhimangraw ko ha imo, manggara- non kaupay.... igintugon gud ha akon hin ungud-ungod han Senyora Condesa.
-Ah!
-Usa nga magturuon hin Medisina, an ngaran hi Basilio....
-Hitó nga Basilio waray ko mayayakán, namu- long hi P. Irene nga binmuhat han mga butkon ngan bitaron daw an nagluluwás han Dominus vobiscum; -ito para ha akon tubig nga uyuoy. Waray pa gud ako kasayod kun ano in karuyag ngan kun ano in nahuhu- nahuna. Kanugon na nga waray dinhi hi P. Salvi basi unta makagsumat ha aton han iya mga gin-agian! Bagá nakabati ako nga han gutiay pa ini nga bata iginkasingit han Guardia Civil... An amáy pinatay didto hin diri ko hinunumdumán nga karibók.
Hi Simoun hinminayhinay hin paghiyom, waray aringasa, napakita han magbuság ngan turupong nga mga ngipon.
-Ahá, ahá! sinmiring hi S. E. nagpakiwá han ulo; -ngayan? Itigaman ito nga ngaran!
-Kundi, Ginoo ko nga Heneral,- nagsiring an Hataas in Katugdanan han pag-abat nga nagtitikaraót an lakat han hiruhimangraw. -Ngada yana waray pa
