panuláy nga dakó, may paniplat nga masunglog ngan hin
hiyom nga tinuyáw. Anák hiya hin usa nga mestiso kat-
sila, manggaranon nga komersiyante dida hin usa han
mga arabál, ngan tinmapod han ngatanán niya nga pag-
laom ug kalipay dida han pag-intrimis han bisan kanáy
ngan dagos niya tatago ha luyó han iya kasangkayan,
may ada niya dagway hin pagkabuktot nga nadugáng
kun nagbubuhat han iya mga kabinuangán ngan magti-
nawa.
-Ano, komusta an imo bakasyon, Penitente?-nag- pipinakiana kanunay an makusog nga pakpak ha bung- kog.
-Amo la gihapon,-binmaton hi Placido bagá na- uurit na. Ikaw?
-Makaruruyag hin duro! Hunahunaa nga kinum- bidá ako han padi ha Tiani hin pagbakasyon didto ha ira bungto..... ngadi na ako, tsiko! Nakilala ka kan P. Camorra? Usa hiya nga padi nga huyayag in kaburut'on, makisasangkayon, waray tinago nga pulong, uraura, su- gad kan P. Paco... Ngan tungod kay damo an daraga nga maghusay, nanhaharana kami, hiya dara niya in iya sista ngan nakanta hin mga peteneras, ako dara ko man an akon biyolin... Sumat ko ha imo, tsiko, duro an amon kamarugyaw waray baláy nga waray namon sak'a!
Ngan hinmuring hin pirá kapulóng ha talinga ni Pla- cido ngan magtinawa katima. Ngan tungód kay hi Pla- cido bagá nahapausa, nagsiring.
-Iginsusumpa ko ha imo! Waray nira mahihimo kay igo la nga buhatan hin ekspedyente ha gobyerno, ma- kukuha an amay, an bana o an bugto, ngan, maupay nga pasko! Kundi iginkita kami hin usa nga lurong, bagá higugmaon ngani ni Basilio, maaram ka? Kitaa hin ka- lurong hito nga Basilio! Nangulitawo hin usa nga diri ma- aram hin usa kapulong nga kinatsila, waray salapi ngan nasuruguon la! Diri naatubang, kundi mahusay! Usa ka- gab-i hi P. Camorra nanlanat hin baston, hin duha nga tawo nga nanhaharana ngan ambot kun ano nga waray pamataya. Kundi, amo la gihapon, diri naatubang! Kun- di, mag-aagi gihapon hito sugad han ibá, ngatanán!
Ngan hi Juanito natawa hin dako nga nasaragan baga sugad hin iya na adto himaya. Siniplatán ni Placido hin maraot nga buót.
-Oy, pamati daw, ano an igin-esplikar han propesor
