pasar, kinaruruyag han mga propesor ngan may ada mahusay nga kabubwason.
Hadto ngahaw nagtikang in usa nga kilos ngan an mga purupundok nagtikang pagkiwa; an propesor ha Fisica ngan Quinica linmusad ngadto ha klase. An mga magturuon, daw napihawan han ha mga paglaom nagkasulod ngadto ha sakob dara in mga ngurutob ha diri pagayon. Hi Placido Penitente binmunyog han kadam’an.
—Penitente, Penitente!— gintawag hiya hin usa, hin baga di sarabuton nga tuyo. —Pirmahi ini!
—Kay ano ito?
—Waray sapayan, pinna la!
Hi Placido nakasiring nga ginpipiknit hiya, iya hinnunumduman an kaagi hm u;;a nga ginhaupan didto ha ira bungto, nga tungod hin pagpirma hin papel nga diri niya sinasabot kun ano, nabilanggo ha sakob hin maiha nga mga bulan ngan gutiay la halinon. Usa niya nga bata, basi dumulot ha iya ulo an leksiyon, piniknit hiya hin makusog. Ngan kinapakabati niya hin himangraw mahatungod hin pagpirma inaabat niya ha iya talinga an kamasakit han piknit.
—Tsiko, pasaylo la, kundi diri ako napirma kun diri ko anay hisayuran.
—Kalurong mo! Pinirmahan na hin duha nga carabineros celestiales 1 Ano pa imo nahahadlukan?
An ngaran nga carabineros celestiales nakahatag hin pagtapod. Asya in usa nga birilhon nga katig-uban nga gintukod ha pagbulig sa Dios dida ha pangaway patok han mga panulay, ngan liwat basi ha pagpugong nga makasulod an mga kontrabando ha pagkamhis dida ha pamaralitan ha Nueva Sion. Hi Placido napirma na unta basi tibway kay naiikag hiya: an iya kaupdanan nangangadi na han Oh Thoma, kundi inmabat nga baga hiya in piniknit han iya bata, salit nagsiring:
—Katapos na han klase, karuyag ko basahon anay.
—Halaba, nasabot ka? Pangontra ini nga pangaro, karuyag sidngon, usa nga protesta. Sayod ka? Hi Makaraig ngan hin iba pa nagpasaka hin pangaro pagbukds hin usa nga Academia hin kinatsila, buhat nga tinuydw....
—Bueno, bueno, tsiko, niyan na, nagtikang na anklase,— nagsiring hi Placido nag-ililikay.
—Iton iyo propesor diri nagpapasalista!
