—Nego consequentiam, Padre! — binmaton bin waray pag-alang.
—Uy Kun amo, probo consequentiam! Per te, an bayhon nga pinahamis bin mainggat amo an ungud-ungod nga espeho....
—Nego supositum! —binmaton hi Juanito han pagabat nga binubugtong ni Placido an iya amerikana.
—Kay ano? Per te...
—Nego'!
—Ergo, uyon ka nga iton aadto ha talikuran may labot han aadto ha atubangan?
—Nego!— dinarudako pa an tingog kay inmabat nga binugtong liwat an iya amerikana.
Hi Juanito, karuyag sidngon, hi Placido kay amo an nagdidinikta, waray la sasab6t, sistema insik an iya ginagamit: an diri gud pagtugot han bisan an diri ngani takos makabuong hin pinggan nga tagd iba nga Tuna basi hira diri makasulod.
—Ano an karuyag sidngon?— nagpakiana an katedratiko dapit nawawara ngan nagkikmita, may kabaraka, han magturuon nga diri natures,
—May labot o waray labot han bayhon an butdng nga aadto ha luyo?
Hini nga pakiana nga dayag, buod, sugadsugad hin ultimatum, hi Juanito diri maaram kun ano an ibabaton ngan an iya amerikana waray pagkikiwa. Kawang la an iya pagsininyas han iya kamot kan Placido; hi Placido nag-aalang. Hi Juanito nagpahimulos hin usa kadali nga an katedratiko nagkikinita hin usa nga estudyante nga naghuhukas hin tago la han iya sapatos kay nahuot, ngan tinamakan hin makusog hi Placido, nganiya:
—Diktahi ako, hala, diktahi ako!
—Distingo . . . aruy! mananap ka!— ginmuliat hin diri tinuyo hi Placido nga duro an kasina nagkikita ha iya hamtang nangangaraham han sapatos nga tsarol.
An katedratiko nakabati han guliat, nakasiplat ha ira ngan nakatigo han ira binubuhat.
—Oy, ikaw, espiritu sastre,— ginsiring; —diri ta ikaw say ginpapakianhan, kundi kay napakalalaki ka man panubos han iba, aber, panubos ha imo ngahaw, salvate ipsum ngan alayon kita paghubad hini nga balituto.
Hi Juanito dako an kalipay linmingkod, ngan ha pagpakita han iya pagbalos pinagawsan han dila an iya
