magdirikta. Ini hadto ngahaw namumulá hin kaalo, binmuhát ngan nagngurób hin mga baribad nga waray hisasabutí.
Ginkinita anay ni P. Millon madaliay sugad hin rinarasahan pagkita hin usa nga sud-an. Kamarasa hin pagpahaubos ngan pagpapataraw'an hadto nga batan'on nga maupay in tindog, unob maupay in pamiste, tikig an ulo ngan mahadong an paniplat. Usa nga buhat ha kaluoy. Salit an maluluuyon nga Catedratico inmatubáng hadto nga buhat ha bug-os nga kasingkasing ngan subayon an pakiana ha hinayhinay:
-An basahán nasiring nga an mga espeho nga metal hinimo ha lata o pagkatarampo hin magkalainlain nga metal, matuod ini o diri?
-Kun amo an siring han basahán, Padre....
-An estanyo metal?
-Bagá, Padre; amo in siring han basahán...
-Amo, amo, ngan an pulong nga amalgama karuyag sidngon nga tampo an merkuryo nga metal man liwát. Ergo, usa nga espeho nga salaming espeho gihapon nga metal; ergo an mga pulong ha paglainlain nagsasalamok, ergo an paglainlain waray tuhay, ergo... Uunanhon mo ini hin paghatag hin kasayuran, espiritu sastre?
Ngan iginpahamtang gud an mga ergo ngan han mga tu ha dako nga paghikalipay ngan layon an pagkiniro sugad hin karuyag sidngon: "Hinsakban ka daw!"
-Tungod kay... karuyag sidngon... -namaribad hi Placido.
-Karuyag sidngon nga waray ka sabót han lek- siyon, manhuhuring nga naparayaw, nga diri nasabót, nanhuhuring han kaamyaw!
An klase waray kaurit, lugod damo in hin-ayunán han pagkaarangay han mga pulong ngan nagkatatawa. Hi Placido kinmagát han mga im-im.
-Hino in im ngaran- ginpakianhan han katedrati-
Hi Placido binmaton hin mamará nga tingog.
-Aha! Placido Penitente, kundi bagá Placido Soplon ka, o Soplado (manhuhuring). Tatagan ko ikaw hin sirot tungod hiton imo mga sopladurias.6 Ngan malipayon tungód hini nga pakatirok hini nga mga pulong, nagsugo nga subayon an leksiyon. An batan'on tungód hadto nga kahimtangan han pamurubuot
