gayon didá han ngatanán nga katirok basi makaghingayad
han pagkatakós ha pamulungan, kay dagos pagdidiskurso
mahatungód hin bisan ano nga himangrawon ngan
dayon pagpaparakpaki han kasangkayan ngan mamaratí.
Hadto nga uras an ginhihiruhimangraw amo an
pagtutdo han kinatsilá.
Tungod kay hi Makaraig waray pa aabót, an mga banabana amo an naluráb:
-Anó in nahinabo? Ano an pagburut'an nga iginawad han Heneral? Waray tuguti an pinangangaro? Nagdaóg hi P. Irene? Nagdaóg hi P. Sibyla?
Ini nga mga pakiana nagpapasulatsugat didá ha ira ngahaw, mga pakiana nga hi Makaraig la an makakabatón.
Didá han mga batan'on nga didto natirirok may ada mga maglinaumon sugad kanda Isagani ngan hi Sandoval nga sugad hin nagkikitá na han kahimuan han ira talinguha ngan nanhihinabi na hin mga pahalipay ngan mga pagpasidungóg han gobyerno basi ha kamainu- gupon han mga estudyantes han tuna nga natawhan, kamaglinaumon nga nakakaaghat kan Juanito Pelaez pag-angkon han kadak'an han himaya nga nasangpot han pagtukod han katig-uban. Ini ngatanán binabatón han matinurawon nga Pecson, usa nga matambok nga kanán pilyo an tinaw'an, nga nahananabi hin mga paglaladngan hin iba nga tawo, nga kun waray daw anay pakianhi hi Obispo A, hi Padre B, an Provincial C, ngan ini namagsagdon, o waray, nga pamirisuhon an ngatanán nga api han katig-uban, sumat ini nga nakakahatag hin kabaraka kan Juanito Pelaez nga nagkakababa na la:
-Panuláy, ayaw ak niyo ig-upód..
Hi Sandoval, dará han kapeninsular ngan kaliberal, nangangalás:
-Kundi, p---! -nagsiring; -itó pagtahap hin maraot kan S. E.! Kinikita nga makiprayle, kundi ha mga asuntos nga sugad hini diri napagarong han mga prayle! Karuyag mo ako pagsumatán. Pecson, kun anó in imo pinasasarigan ha pagkasiríng nga an Heneral waray kalugaringon nga panhunahuna?
-Waray ako pagyayakán hitó, Sandoval,- nabatón hi Pecson nagtitinawa tubtob ha paghikit'i han urhi nga bag-ang; -an Heneral para ha akon may kalugaringon nga panhunahuna; buót ko sidngon, an panhu-
