ha mga kamót han pamunuan, hiyá na hitó in maaram
magtuháy sugad han iya karuyag... Nasiring ka nga
an Vice-Rector natipa han pagtutdo han kinatsilá. Tingali,
kundi diri an pagtutdo gud say dinidiri, kundi an
pagpahamutang. Nasiring nga adin Rector nga maabót
may proyekto hin pag-ibá hin paagi han pagtutdo...
hulathulat kamo madaliay, tagi niyo hin panahón an
panalon, pag-arám kamo kay tiharani an pangiksamen
ngan, kayamat! ikaw nga maaram kaupay magkinatsilá
ngan diri salapid magyakan, anó nga nagbibiling ka pa
hin kasamukan? Ano in imo hilalabtan han linain nga
pagtutdo han kinatsila? Waray ruhaduha hi P. Florentinu
mauyon hin maupay didá hini ha akon! Ipangumusta
na la ako!
―An akon batá, ―nagbatón hi Isagani, ―unob ha akon nagtutugon nga maghunahuna ako han ibá sugad han paghunahuna ko ha akon ngahaw... An pagkanhi ko diri tungód ha akon, nakanhi ako ha ngaran hadton magkurukuri ha akon in kamutangan.
―Kayatis! Managsugad ha imo, manag-inagma pagtuón ngan magkadadangás sugad ha akon ha pagsaulo han mga pagturun'an... Waray ruhaduha nga an paghibaro mo pagkinatsila tungod kay gin-adman mo; ikaw diri tagá Manila ngan diri anák hin mga katsila! Adá ta, managtuón sugad ha imo, magtundog ha imo.. Nagin-suruguon ako han ngatanan nga prayle, akon hirá iginsisikulate, ngan hamtang an akon too nagkikirikisi han batidór, an akon wala nakapót han gramatika, nag-aaram, ngan, salamat sa Dios, waray na ako pagkinahanglan hin mga magturutdo, mga akademya ngan mga pagsarit ha pamunuan... Tuod la ha akon, an buót mag-arám nakakag-arám ngan nahahabaró!
―Kundi, pipirá didá hiton ngatanán nga karuyag mahabaró in napaabót han imo naabót? Usá ha tagsa kanapulo kayukót, ngan bisan pa ngani!
―Psch! Ngan ano pa? ―binmatón an tigurang nagpakuró han sugbong. ―Nagsusubra kitá hin mga abogado, damo in nagpapangintra na la kaeskribyente. Mga mediko? Nagpapalibaklibak, nagpapasusunsuson ngan namamag-aragaw hin mga magsakit... Butkon, senyor, mga butkon, an aton ginkikinahanglan basi kita makapaninanóm!
Hi Isagani sinmabót nga nagkikinarág la hiya hin panahón, kundi nagbatón pa.
