hin ganansya nga mga unóm kayukót kapisos. Ngan
tungod kay an insik waray kalibutan han mga karuyagón
han kababayin'an ngan karuyag liwát pumarayaw, kinmuha hadto nga tuló nga pulseras nga gimaupayi didá
han alahero, nga tig-tulo o tig-upat kayukót kapisos an
bali han usá. An insik, nagpakabuutan, ngan mahiyum-hiyom hin mainugayon nagsiring han senyora nga magpili la kun hain an iya labi nga kinaruruyagan; kundi an
senyora, nga labi nga nagpakabuutan ngan mainugayon
pa liwat hin labí, nagsiring nga naruruyagan niya adto
ngatanán ngan kinuha ngatuló.
Hi Simoun nakaharahara.
-Ah, sinyoliya, ako pililo, ako-hapay!-nagnga- ngawngaw an insik nagsusuntok ha iya ngahaw han iya maghumok nga mga kamót.
An alahero nadugang la pagtinawa.
-Huu! Malaot mamayi, sigulo dili sinyola bilalelo! -nagnginginurutob an insik nagpipilingpiling han ulo.- Ano? Walay alo ito mamayi, ako misan insik ako kilala tawo. Ah, sigulo dili sinyola bilalelo; ito sigalela upay pa, may alo pa!
-Hinsakban ka gud hin maupay, hinsakban ka,- nagsiring hi Simoun pinakpak hin mahinay ha tiyan.
-Ubos tanán tawo pak-utang walay mayad, kosa ese?-ngan nag-iinihap ha iya mga tudlo nga haglaba in kuló.-Impelealo, opisya, tinyenti, sulalo, ah, sinyo Simoun, ako pililo, ako hapay!
-Ta, ayaw na hin aringasa,-nasiring hi Simoun,- ginbawi ta ikaw didá han mga opisyal nga nangungutang ha imo hin salapi... Pinautang ko basi diri ka say pagsamukon ngan maaram ako nga diri magpapakabayád...
-Pelo, Sinyo Simoun, ikaw pautang opisya, ako pautang mamayi, sinyola, malinelo, tanan tawo kalibutan...
-Mga sano masusukót mo itó!
-Paksukot akon? Ah, sigulo ikaw dili alam! Kun pyelilo nani huygo sigulo dili mayad. Mweno ikaw may ala konsu, ikaw pwele obligalo; ako walay... Hi Simoun nanhuhunahuna.
-Pamati, insik Quiroga,-nagsiring dapit nahababalingáw hin gutiay;-ako in magsusukót hiton mga utang ha imo hiton mga opisyales ngan mga marineros, ihatag ha akon iton mga resibo.
