Hi Quiroga binmalik pagngawngaw: diri gud hiya tinatagan hin resibo.
-Magpakanhi pa ngani pag-utang hin kuwarta pakadia ha akon tikang yaná; bubuligan ko ikaw nga matalwas ka dida hini.
Hi Quiroga nagpasalamat han dako nga kabaralsan, kundi ha gilayón binmalik han iya mga kabiduan, an mahatungod han mga pulseras nga waray hunong an yakan:
-Upay pa sigalela may alo pa!
-Por bida,-nasiring hi Simoun nga linmiparo han insik dapit pagtugkad ha iya;-yana nga may kinahanglan ko hin kuwarta ngan isip ko makakabayád ka. Kundi may adá pa gad kaupayan, diri ko karuyag nga matumba an imo negosyo hin tungód la hito. Kitaon ta, usa nga pakialayon ngan ikakada la ha pitó iton sisiyám kayukót kapisos nga imo ha akon baraydan. Makakahimo ka pagpaagi ha Aduana han bisan ano nga imo karuyag, mga kahon hin kingké, mga puthaw, pinggan, tumbaga, mikis nga salapi; ikaw in naghatag hin armas han mga kombento?
An insik natangó han ulo ha pagtangdo, kundi damo iya anay ginpapahumok ha kuwarta.
-Ako hatak tanán ito mga pale!
-Pamati, nagyakán hi Simoun hin gutiay nga ti- ngog;-karuyag ko nga imo ipaagi in mga pira kakahón nga pusíl nga inmabot yaná nga gab-i... karuyag ko nga himuson mo la anay ha imo mga bodega, kay didí ha akon baláy diri masisiya.
Hi Quiroga nabaraka.
-Ayaw kabaraka, waray mo kataragman: ito nga mga pusil pananaguon ito hin hinayhinay didto hin pipirá nga baláy, ngan unina magsusugo hin pagsiksik ngan damo in mapepreso... ikaw ngan ako makakasalapi kitá dida ha pangaro nga buhian an mga preso. Nasayod ka?
Hi Quiroga nag-aaláng nahadlok hiya hin armas: Dida ha susratan nga lamesa may iya rebolber nga diri binabalahan ngan diri niya sinasapingan kun diri anay lumingiw han ulo ngan pumiyong han matá.
-Kun diri mo mahihimo, ma-kadto ako ha ibá, kundi kinahanglan ko iton akon sisiyám kayukót kapisos nga igpapadalunot hin mga kamót ngan igpapapiyong hin mga matá.
-Mwueno, mwueno!-nagsiring na la hi Quiroga;-
