hin pipira nga mga pulong. Kitaa niyo kundi ayaw karoo
paghisngok hin makusog kay kun maibanan ito nga agbon, magawas nga gapak inin akon esfinge.
An himuhimo nga mga pulong nga iginsusumat ha mananong ngan tuudtuod nga tingog, naghihinay paghunob ha mga kaburut’on, nga han pagdulhan han kahunkahon waray gud may nagpasipara pagginhawa. Hi P. Camorra, nga nakadamo na pag-asoy didto ha pulpito ha Tiani, mahatungod han mga kasakitan nga gin-aantos ha impyerno hamtang ha iya sakob nagtitinawa hiya han mga kalisang nga inaabat dida ha mga mata han magpakasasala nga kababayin’an, tinmakpo han irong; ngan hi P. Salvi, hi P. Salvi ngahaw, nga ha adlaw han mga minatay, nagpagawas hin mga dudyong nga mga kalag ha Purgatoryo, lakip in mga kalayo ug mga hitsura hin tawo nga magsilhag, kingke nga de alkohol ngan hin mga oropel, didto han altar mayor ha usa nga arrabal, basi la managpamisa ngan maghatag hin iba pa nga limos, an magasa ngan maukoy nga P. Salvi inmukoy, pagginha wa ngan nagkinita hin may kahadlok hadto nga uusa kakumo nga agbon.
—Memento, homo, quia pulvis est!—nagngurob hi P. Irene nahapapahiyom.
—P- !—nagbuto hi Ben Zayb.
Andam na niya adto nga mga pulong hin pag-iluluwas ngan aadi aagawon dida ha iya baba.
—Dida han kagupong ko kun ano an angay buhaton,— nagpadayon hi Mr. Leeds ngan tinakpan hin maupay an kahunkahon,—gin-usisa ko an papiro ngan hinkit an ko in duha nga pulong nga diri ko santop an kahulugan. Akon ginsulpat ngan luwason ko hin dako nga tingog, ngan igo la nga akon naluluwas an siyahan nga pu long inmabat ako nga an kahunkahon linmusot didi ha akon kamot daw rinabot hin usa nga kusog ngan nahulog ha tuna ngan didto diri ko mahimo hin kapurot tungod han kamabug-at. An akon paghipausa nahimo nga kalas han kaukab han kahunkahon kay nakadto in ulo hin tawo nga nagkikinita ha akon hin tutok nga uraura. Dara han kahadlok ngan han kadiri ko pakatultol kun ano an angay buhaton ha atubangan hadto nga diri matukib nga hinabo, nahapanganga ako nadaliay, ikinukurog ako hin kulba... Nangalimayhaw ako katima... Tungod kay nahunahuna ko nga usa la adto nga limbong han
