mara, tikang ha lubong nagdudumot, sugad hin adto
nga nahamamalanga pagbahan han iya mga kasiribton
waray pakakakita han karigumok nga naguop dida ha
ruwang. Hi P. Salvi nawad’an gud hin kalibutan.
—Kapaid! buhi pa gad...!—nagbwat pagyakan hi P. Salvi ngan maunop. Ginduduas baga an minatay. An iba nga mga senyoras nakahunahuna nga angay man madismayo salit nagkadidismayo.
—Nagyayakan... P. Salvi!
—Nasiring pa ako nga diri umasa pagkaon han salag han balinsasayaw!—ngani P. Irene;—Amo an nakaraot ha iya.
—Haros waray ngani kumaon!— binaton ni D. Custodio nakibang;—ginmagnetisar kay ginkikinita hin tutok han ulo...
Dinhi tikang an aringasa; an ruwang baga in hos pital, baga in may mga patay ha pag-awayan. Hi P. Salvi baga in patay, ngan an mga senyoras nga nagka didismayo han pagsabot nga waray ha ira nadaop panabag pinanhimagutaw’an na la.
Hadto ngahaw an ulo binmalik hin kaagbon ngan ibinalik liwat ni Mr. Leeds an dugnit nga lana pagtabon ha lamisa ngan sumaludo han mga magkirita.
—Kinahanglan nga ini nga kiritaon igdiri,—nasiring hi D. Custodio;—uraura hin kairihis ngan kainmoral!
—Ngan labi na kay diri nagamit hin mga espeho,— dinmugang hi Ben Zayb.
Kundi, ugsa lumakat dida han ruwang, nakahuna huna hin pag-usisa makausa pa, ngan ha pagkasiguro, linakad an baral, dinaop an lamisa ngan walison an tahob! Waray la gihapon.4
Han pagkabuwas nagsinurat hin usa nga artikulo nga nahananabi han mga tinago nga hibaro, han espiritismo, ug iba pa: ha gilayon linmusad in sugo han gobernador eclesiastico pagdiri pagpaguwa han kiritaon, kundi hi Mr. Leeds nawawara na kay iginikan ha Hong kong an iya hibaro.
