Hi Placido Penitente linmakat didto ha iya klase puno bin apdo an kasingkasing ngan hin maglubdg nga luha ha mga mata. Hiya naangay gud han iya ngaran kun diri nauurit, kundi kun nahahangit baga in usa nga sulog nga nabulos, usa nga ihalas nga mananap nga mapupugngan la kun patayon o kun makamatay. An kadam’an na nga pakaraot, an duro na nga tulbok hin alpiler nga ha adlaw-adlaw nakakapakurog han iya ka singkasing, ngan natitirok didto, daw nakaturog la nga mga halas, nanhihimangno yana ngan naglulukso hin duro nga kasina. Nababati niya yana an mga taghoy upod han mga pulong ha binalbag nga kinatsila, daw sugad hin mga lapdos ngan mga halakhagak nga katatawa. Yuyukuton nga tuyo ha panimulos nasulang ha iya ulo nagdudurungan, pasiugsiog, ngan dagos pagkakawawara baga in mga bunga hin inop. An iya dungog, daw mapiriton nga kablas na hin paglaom, naggiginuliat ha iya nga angay na kumiwa.
—Placido Penitente,—nasiring an tingog,—ipakita hito nga mga batan’on nga may imo ulo, nga anak ka hin lalawigan nga maisog ngan dungganan, nga didto an pakaalo hinuhugas hin dugo. Taga Batangas ka, Placido Penitente! Bulos, Placido Penitente!
Ngan an batan’on nagngungui’ob ngan nagliligot ngan pinupudol an bisan hmo dida ha kalsada, ha Puente Espana, daw sugad hin nagbibiling hin away. Dida him nga urhi nga lugar iya hinkit’an an kotse nga sinasakyan han Vice Rector P. Sibyla, kaupod ni D. Custodio, ngan inalpan hiya hin kapungot ngan naghunahuna hiya hin paggawad han padi ngan ilabog ngadto ha tubig.
Nagpadayon hiya ngadto ha Escolta ngan didto haros hiya makigsuntukay hin duduha nga agustino nga nangangalingkod dida ha purtahan han basar ni Quiroga, nagkikinatatawa ngan nakikig-inintrimis hin iba nga prayle nga tingali nakadto ha sakob namamaghiniruhimangraw; hinbabatian in maglipayon nga ti ngog ngan hin marugyaw nga katatawa. ngarungadto ha unhan may duduha nga kadete nga nakakauldng dida han agian ha ligid kay iginkakahimangraw hin usa nga nakamisa-dentro la, empleado dida han tindahan; hi
