didto ha Lamayan igkikita ka hin tawo nga may baluto:
masiring ka “Kabesa” ngan hiya mabaton “Tales”. Kinahanglan nga mahani buwas han aga. Ayaw pagkarag
hin panahon!
Ngan dulhan hin mga las-ay nga bulawan.
—Kay ano, Senyor?—Nagpakiana an tawo ha tuhay nga kinasila; —may hinabo?
—Oo, bubuhaton hinin simana nga madaraon.
—Simana nga madaraon!—sinubad han tawo nga diri kinikilala nga inmisol; —an mga arrabal diri pa andam; naghuhulat nga ig-isol an dekreto han Heneral... ngan hunahuna ko nga huhulaton an pagtikang han kwaresma!
Hi Simoun pinmiling han ulo.
—Waray naton kinahanglan han mga arrabal,—nag siring. —An mga tawo ni Ginhaupan Tales, an mga karabineros ngan hin usa nga rehimyento igo na. Mag-iha pa ngani bangin patay na hi Maria Clara! Lakat dayon!
An tawo linmakat.
Hi Placido nahatambong hini nga halipot nga himangraw ngan nabati niya ngatanan; han pakasabot niya hin gutiay namarat an iya barahibo ngan sinmiplat kan Simoun hin daw kinakalasan. Hi Simoun nagtitinawa.
—Nahapapausa ka nga adto nga indiyo nga maraot an pamanapton maupay magkinatsila? Magturutdo ito anay ha liburan nga nagpirit pagtutdo han kabataan hin kinatsila ngan waray pasaway salit nahukasan ngan hinalin kay ginsala nga nakakaribok han kalinaw han bungto ngan tungod kay naginsangkay han waray palad nga Ibarra. Ginkuha ko didto han nahalinan kay parapangapon na la hin lubi ngan iginkada ko ha kaparapanhimo hin pabuto.
Binmalik hira ngadto ha kalsada ngan magbaktas bird ngadto ha Trozo. Ha tungod hin usa nga gutiay nga balay nga tabla, nga malipayon ngan mahinis an dagway, nakada in usa nga katsila nga nasarig han iya talugkod nagpapabulan. Dinaop ni Simoun; an katsila, han pakakita ha iya, nag-iburuhat inmaguroy.
—Pag-andam ikaw!— siniring ni Simoun.
—Unob ako andam!
—Ha sundd nga simana!
—Ngayan?
—Ha siyahan nga pagbuto han kanyon.
