yan. Kundi, hamtang nahuyam, naubo, nagtatabako ngan
nagpipinanumdom han mga isid-isid ngan mga bitiis ni
Pepay, aton hinanabihan magutiay ini nga hataas nga
pagkatawo, basi sabuton an hinungdan kay and nga
say ni P. Sibyla iginmugo nga say tapuran pagtapos han
tunukon nga asunto ngan kay and nga kinarawat han
taga didto ha luyo nga daplin.
Hi D. Custodio de Salazar y Sanchez de Monteredondo, an sangbay Buena Tinta, nahiaapi hadto nga klase han katilingban ha Manila nga diri nabiksal mausa kapitad kun dni an mga pahayagan magrayandayan ha iya, ha atubangan ngan ha talikuran, hin yukot nga mga pagngaran ha iya nga diri-gul’anon, nalandaw, maipol, maabtik, halarom, masinabuton, makinilal’on, salapian ug iba pa, ngan iba pa, daw hin ikinahahadlok nga pagsaypan ngan pakasidngon nga lain nga tawo nga iginkasisugad hm ngaran ngan nag-apelyido hin huros ngan pungog. Ha luyo nga bahin diri gad man adto maraot, ngan an paghikay anay ugsa igpahayag diri niya nababarak’an. An ngaran nga Buena Tinta inmalop ha iya dida han iya pakigkasankay kan Ben Zayb, han ini, dida han mangulingudi nga polemica nga iya tinindugan ha sakob hin mga bulan ngan mga simana dida ha mga paypay han mga pahayagdn mahatungod kun angay ba gamiton an kalo nga adolpo, an dekopa o an takukong ngan kun an plural han caracter amo ba an caracteres o amo an caracteres, ngan basi ha pagpadig-on han iya pangatadungan iya gihapon hinahapinan hin amon hinsasayuran kan buena tinta, maaram kami ha kan buena tinta ug iba pa, ngan unina hinsabutan, kay ha Manila hinsasabutan an ngatanan, nga ini nga buena tinta diri iba kundi hi D. Custodio de Salazar y Sanchez de Monteredondo.
Inmabot hiya ha Manila bata pa, may ada niya maupay nga empleo nga nakahatag ha iya hin higayon pakaasawa hin usa nga mahusay nga mestisa nga sakop hin usa han mga labaw nga salapian nga pamilya ha Manila. Tungod kay may kalugaringon nga kinaiya nga pagsabot, pusuan ngan maupay ig-atubang, nahabaro hin pagpahimulos han katig-uban nga iya hmmumutangan ngan tungdd han salapi han iya asawa sinmulod ha pagnegosyo, pangontrata han Gobyemo ngan han Ayuntamiento salit unina gintungdan kakonsihal, katima alkalde, bokal ha Sociedad Economica de Amigos del Pais, manaragdon ha
