Sugad han aton na ginsiring, naghihinuyam nga naghihinuyam. Dida hin usa hito nga iya mga kiwa, hadto nga pagpukrat han mga matd ngan pagtak-om han baba, say niya hinsiplatan an naturupad hin halaba nga mga andulan nga pula, nga nanhihimutang hin surunod didto han iya makaruruyag nga pagapaga nga kamagong: ha bungkog han tagsa hadto nahasusurdt hin dagko nga mga kurit: MGA PROYEKTOS.
Nahangalimot hiya nadaliay han iya mga kagupnganan ngan han mga isid-isid ni Pepay, ngan say niya inatubang an panhunahuna nga an mga sulod hadto ngatanan nga nakadto han mga sinapadsapad nga sarang-atan ginmawas dida han makurimot niya nga ulo ha mga dalikyat nga inaalpan hin kahayag! Kadamo hadto nga mga panhunahuna nga tuha, panhunahuna nga hagtaas, mga paagi nga makakabawi han pilipino ha kawaray. An pagkadayon han iya bantog ngan an kabaralsan han nasod waray na ruhaduha para ha iya!
Daw an tigurang nga laag nga nakaagi hin gin-aalamag na nga binutok nga mga surat ha pangulitawo, binmuhat hi don Custodio ngan dumaop han paga. An siyahan nga andulan, madakmol, nabutol, puno, may letra nga “Mga Proyektos nga igpoproyekto”.
—Ayaw!— nagsiring, —may magpakaruruyag nga butang kundi kinahanglan in usa katuig nga igbibinasa hito.
An ikaduha, madakmol gihapon, may ngaran nga “Mga Proyektos nga turun-an pa.”
—Ayaw liwat ini!
Nasunod an “Mga Proyektos nga ginpapahinog... ”, “Mga Proyektos nga iginpasaka...” “Mga Proyektos nga aprobado...” “Mga Proyektos nga waray igdayon... ” Inin mga urhi amo an mga andulan nga gudtiay in sulod, kundi an urhi nga waray gud sulod amo an “Mga Proyektos nga gintutuman.”
Hi don Custodio pinmakuro han irong, Ano ba in sulod? Nahangangalimot na hiya kun ano an aadto ha sakob. May uusa kapaypay nga papel nga madarag na, nalabaw dida han duduha nga takop, daw sugad hin dila nga idinidiwal paghilat ha iya han andulan.
Kinuha didto han sang-atan ngan binuksan: amo an nahisangyaw nga proyekto han Escuela de Artes y Oficios.
