hiton iya sugbong?- napakiana an bag-o nga abót tinutudlok in usa katawo nga nagbabantad han iya ulo hin
kanán pakalabáw.
Kundi hi Tadeo waray batón kay nag-unát han liog basi makakitá kan Paulita Gomez nga inmabót upód hin usá nga amiga, hi donya Victorina ngan hi Juanito Pelaez. Iní nagregalo hin usá nga palko ngan nadugang yaná hin kabuktot.
Nagkaabot in mga kotse ngan mga kotse, nagkaabot an mga kasangkayan ngan mga magdarayaw. yon:
Hi Paulita nakakasulód na salit hi Tadeo nagpadayon:
-Amo itó an mga umangkon han salapian ng Kapitan D, iton nagkaabot ha landó; nakita ka nga maghusay ngan mag-upay in lawas?... Hi Kapitán Ď. nadiri nga panhiasaw'an ngan an kalurong hiton batá natapón ngadá hitón mga umangkon... Amo ito hi senyorita E, an gimanggarani nga sumurunod ngan gin-iinagáw hinin kalibutan ngan han mga kombento... Saba,! itó kilala ko! Hi P. Irene nga nagdesnudo, may bungot nga ibinutáng la. Kinikilala ko tungód hitón iróng! Amo iní an uraura nga nadiri!...
An bag-o nga abót sinmiplat linalaw'ayán ngan nakakita nga nawará in usa nga levita nga maupay in katabas, didá ha luyó hin napundok nga mga senyoras.
-An Tuló nga Sirot!-nagpadayon hi Tadeo han pakakitá nga nagkaabot in tuló nga senyoritas nga maggasá, mga tulanon, nanhihingás, dagko in baba ngan hinlalasngan an pamanapton.-An mga ngaran...
-Atropos?... -nagyakan an bag-o nga abót kay karuyag magpakita nga may adá man niya hinbabaruán, bisan na man la ha mitolohiya.
-Diri, hombre, amo itó hira Senyoritas Balcon, magsuson, mga apal ngan mga parót... Ngatanán ira dinidiri, lalaki, babayi, kabataan... Kundi kitaa nga ha tupád han maraot, an Dios nabutáng han ikauupay, lugaring kay usahay, danay nauurhi. Ha luyó han mga Sirot, nga amo an ngarat han siyudad, naabot iton tutuló nga amo an iginagasád han iya kasangkayan, didá hini usa akó. Ito nga batan'on nga malapis, nga butlog iton matá kaob hin gutiay, nga makusóg an waklit hiton kamót kay waray pakakapót hin tiket, amo ito hi kimiko S, awtor hin damo na nga mga sinurát bahin ha kinaadman, may naprimyuhán, may ada man
