bisan diín...aadá ha ngatanán nga kasingkasing! An
malinguon nga palad nga amon gin-antos yaná nagpapakita han
katapusan nga pagtingá, han mga urhi nga
pagginhawa han himaratyon nga lawas! Mga sano buwás
magiginbungtuhanon kitá ha Pilipinas nga magtatamó
hin mahusay nga kapalaran kay pagmamangnuán hin maghigugmaon
nga mga kamót; Oo! aton an kabubwason,
akon kinikita nga limbaon an tiná, kinikitá ko an kiwá
nga nagsasangpit han kinabuhi hini nga mga nayon nga
hutáng, pinanhihimuukan ha sakób hin maiha na nga panahón....
Kinikita ko an pagbutho han mga bungto didá
ha ligid han inaagian han dalan nga puthaw, ngan bisan
diín natitindog in mga pabrika, mga baláy nga dagko sugad
hitón didá ha Mandaluyong!....Binabati ko an pitada
han bapór, an harangkaol han mga tren, an hunughunog
han mga makiná... kinikita ko an pag-usbok han asó, an
iya makusóg nga pagginhawa, ngan nahihinggok ko an
baho han lana, an balhas ha mga kaldera nga waray
hunong han buruhaton... Ito nga punduhan, nga maiha
mahumán, itó nga salóg diin an pagkomersiyo baga nagsasarupóg,
hikikit'an naton nga mapupunó hin mga palo
ngan say ta pagmamatuuran kun tiunano an dagway han
kagurangan ha Europa kun panahón han kamahagkot...
Ini nga uray nga hangin, ini nga mga bató nga maghamis
pagtatambakán hin karbón, hin mga kahón ug mga barril,
mga produkto han buhat; kundi, waray sapayán! maglalakát
kitá hin madagmit, makakasakay kita hin magupay
nga kotse, tipakadto ha mga sulod pagbilíng hin lain
nga amyon, lain nga mga hikirit'an ha ibá nga mga baybayon,
hin mga maghalayahay nga harupoy ha nga daplin hin bukid...
An mga acorazado han aton armada amo
in magbarantay han aton mga baybayon, an katsila ngan
han pilipino magpapaisan-isan hin panalinguha nga waráy
makasulang nga tagá lain-tuna, hin pagbantay han
iyo mga panimaláy basi kamo matagan hin higayón pagtawá
ngan pagkalipay ha kalinaw, mga higugmaon ngan
tinahod. Kun an bungto diri na paglupugon, mawaray na
mga kahulop ug mga paglilikyan, diri na magbubuhat
sugad hin uripon nga ginlulugos an pagpasugót kay hadto
an buhat diri na pag-uripon, diri papagtamak; kun iní
umabot na nga panahón an katsila diri na magpapakita
hin mapait nga pakiangay nga dará pa han pagpakamagburuot
ngan, huyayag na an paniplat, madig-on an kasing-
