An ruwáng han Pansiteria Macanista de Buen Gusto hadto nga gab-i may dagway hin gawás han kabatasanan.
Napulo kag-upát nga mga batan'on tikang ha mga dagko nga puró han Kapurupud'an, tikang ha mga uray nga indiyo (kun daw may uray) ngadto han katsila ha peninsula, nagkatitirok didto pagbangkete kay sagdon ni P. Irene, tungod han katuhayan nga iginawad han bahín han pagtutdo han kinatsilá. Ira kinuha an ngatanán nga lamisa, pinadugangán an mga sugá ngan iginpapilít ha puto, sakót han mga paysahes nga ininsik nga mga istampa, inin masunod nga versiculo nga layáw:
"HIMAYA KAN CUSTODIO HAN IYA KALISTUHAN NGAN PANSIT DINHI HA TUNA HAN MGA BATAN'ON NGA MAG-UPAY IN KABURUT'ON!"
Didto hin usa nga tuna diín an ngatanán nga maraksot natatabunan hin kiwá ha kabuutan, diín ngatanán napaigbaw dará han asó ngan dinangdang nga hangin; didto hin usa nga tuna diín an tigsad nga maupay ug ungud-ungod nakakadaot kun gumawás na ha kasingkasing ngan bangin makaaringasa, kaduwás amo adto an labí kamaupay nga pagsaurog han binuhat han maabtik nga don Custodio. An ginbadyangasán nabulos hin harahara, an pastel nga iginawad han gobyerno ira binabalos hin usa kapinggan nga pansit, ngan may ibá pa!
Nagkakatatawa, nagpapairuintrimis, kundi kinikita nga an kalipay pinirit; an katatawa may lakip nga kapungót, didá han mga matá may inggat nga makalit ngan kapín hin usá an gin-idlápan hin luha. Bisan pa iní ngatanán, adto nga mga batan'on may pagkamabangis, waray pagkamatadong ha ira ngahaw. Diri kay amo pa adto mahanabó nga an labí kamaghusay nga mga panhunahuna nasusugad la hadto, nga nakakawang an mga paglaom kay ginliliga la hin dagko nga mga pulong: labot kan don Custodio namay-adá ibá, damo kaupay!
Ha butnga han ruwang ngan ha sirong hin magpulá nga paról, kinikita in uupát nga maglidong nga lamisa nga ipinanmutáng hin maupay basi an kabug-
