usan mamay-upát nga siko; an mga lingkuran mga
bangko nga kahoy nga sugad man maglidong. Ha butnga han tagsa nga lamisa, sugad han hin-aaraan didá
hadto nga pakaraunán, may uupát nga tasa nga simintihan nga may mga takóp, ngatanán puro pulá nga pinggan; ha tungod han tagsa nga lingkuran may uusa nga
botelya ngan hin duhá nga kopa nga mag-inggat nga
salamíng.
Hi Sandoval kay usyuso, na-kita, nag-uusisa han ngatanán, tinitilawan an mga pastel, nasiplat han mga estampa, nabasa han lista han mga palít han kakanón. An ibá namamaghiruhimangraw han mga kasugaran hadto nga adlaw, mahatungód han mga actriz han opereta francesa ngan han kasakit ni Simoun nga sinisiring, sugad han sumat han ibá, nga hin-abután didá ha kalsada samád; an siríng na man han ibá nga nagipag-urunay; kaiyá na gihapon waray katapusan an mga banabana. Hi Tadeo may lain man la liwát nga sumat, an iya siring, nga didto niya kuhaa ha tapurán nga surok. Nga hi Simoun pinangawayan hin usa katawo nga waray hikilal'i didto han daan nga Plaza del Vivac; an hinungdan kunó panimulos, didá iní sasabutá kay hi Simoun diri gud buót maghatag hin kasayuran bisan la magutiay. Dinhi tikang an hiruhimangraw mahatungód hin mga panimulos nga diri la sinasabót ngan kaiyá na ngahaw say hindabihan an buhat han mga prayle, an tagsa naghinsumat han mga kalalaki han padi ha ira kalugaringon nga bungto.
Usa nga siday nga ibinadlis hin dagko nga kurit nga itom ha igbaw han agián ngadá ha ruwáng, nasiring:
- Dinhi may tugon han kabesilya
- Nga magtagam an tawo
- Nga diri gud bumaya hin bisan la ano
- Ha bawbaw bin lamisa o silya
Makalilisang nga pahamatngon!- nagmugó hi Sandoval; Gintatahapan hin maraot ini nga hampang, ano ha? Ngan, por bida nga mga balak! Hi don Tiburcio nga nahimo nga redondilla, duduhá nga tiíl, itón usá haruhalaba hit ikaduhá nga ginbubutnga hin duduha nga muleta. Kun hikit'an ni Isagani bangin igregalo ha iya madarada:
-Aadi na hi Isagani!-- nagsiring in usa nga tingog tikang ha may hagdan.
Ngan an palaran nga batan'on inmulpot nagrarang-
