mahukasan han imo mga salá, ha aton pa kuwapi, (kuwarta) ngan dada'on ka ha harayo, harayo kaupay, ngadto
han lugar nga inuukyan han mga pinanhulog nga kainsikan ug mga protestante, ngan tukib an hangin naghahawan, nagigin-uray ngan malinis nga uraura nga bisan pa
aton karuyagon unina waray ta na hiaagián nga sikapat
nga makakahulog han aton kalág!
"Kun hira usa nga kasuruk'an han aton kahima- yaan; kun bisan ngain naton isuhot an aton irong igkikita ta an mahumok nga kamót, nga naungara nga hadkan, nga ha adlaw-adlaw nagyayaig hinin uraura na kayapi nga tagaytay nga aton daradara ha bawbaw han simod, kay anó nga diri ta pagmayuyuon ngan pagpatambukón, ngan kay anó nga pangangaruon ta an diri angay ha politika nga pagpaiwas ha ira? Panhunahunaa niyo madaliay an dako nga kalungagán nga ira babayaan dinhi ha aton pagkatirig-ob kun hirá mangiwas. Mga magbaralhas nga diri ginugul'an, say hira nagpapakaupay ngan nagpapadamo han aton tulin; tungód hinín aton pagburublag dará han aton pabirubingkil ngan paaruabugho, an mga prayles amo ha aton in nagtatarampo ha usa la nga kapalaran hin mahugót nga kabutók, uraura kamahugót nga damo an diri ngani nagpapakiwa han mga siko! Kuhaa niyo an mga prayle, senyores, ngan kikitaon niyo nga an aton pagkahimo nga pilipino maghihipariiddiíg kay waray na sasarigan nga magbakod nga sugbong ngan barahibuón nga mga bitiis, an kinabuhi han pilipino magmamanya kun makulang an malipayon nga tingog han prayle nga maintrimis ngan makiaangayon, kun mawará an mga basahanay ngan mga wali nga nakakamatáy hin tawá, kun mawará an malipayon nga pagkatipa han kadagko nga mga paghingyap ha sakób hin pilipog nga mga utok, kun mawaray na an buhi nga panladawan, adlaw-adlaw, han mga susumaton ni Bocaccio ngan ni Lafontaine! Kun mawaray na mga corriya ngan mga eskapularyo, ano in iyo karuyag nga sadáng buhaton han aton kababayin'an kundi paghinipós na la hitón ira salapi ngan kaduwás magkahihimo nga kuripot ngan mga hakőg? Kun mawaray na mga misa mga pangadí hin nobena ngan mga prosesyon, hain ka pamirnilíng hin mga panggingge nga ira kalilibangán han kawaray buhat? Waray na iba nga sadáng nira atubangón kundi an mga buruhaton ha panimaláy ngan diri na mamamagpaliáwliáw pagbinasa.
