sugad hin nabungól.
-Lara han kahadlok nga napupugá didto han mga kinaon ha sakób han tinai!- an isip ni Basilio.
Katapos hiní igkakita kan Tadeo nga duro an kalipay. Inmabót na ngahaw an dayon nga awán nga iya ginpapamulat.
-Anó, Tadeo?
-Adá waray kita klase hin kanán uusa kasimana, chico, makaruruyag, darayawon!
Ngan naghihinaruhapyod han kamot ha duro nga kalipay.
-Kundi, anó in nahinabó?
-Pamimirisuhon kitá ngatanán an api han Katig- uban!
-Ngan nahakakalipay ka?
-Waray klase, waray klase!-ngan lumakat diri nasisiya ha lawas an kalipay.
Nakakitá kan Juanito Pelaez nga nagtitiharani, ginduduas ngan nahahadlok; hadto nga uras an iya kabuktot dinmugang nga uraura, tungód han kaikág pag-ikaralagiw. Kay usa hiyá han mga kaapi nga labí kamaabtik han pagpauswag han katig-uban hamtang waray pa kataragman.
-Uy, Pelaez, ano in nahinabó?
-Waray, diri ako maaram! Ako, waray ko labot,- binmatón hin duro nga kalisang; -daan ako nagsiring ha iyo nga ito nga buhat kalinurungán... Ikaw, anó, di ba matuod nga nagsiring ako? Hi Basilio diri maaram kun nagsiring ba o waray, kundi basi la matumanan iya binatón:
-Oo, gad! kundi, ano in nahinabó?
-Matuod nga nagsiring ako? Pamati, testigos ta ikaw nga unob gud ako nga nadiri.... testigo ka ha? Ayáw hingalimót!
-Oo, daw, oo, kundi ano in nasugaran?
-Pamati, testigos ka! Waray gud ako bulig han buhat han mga api hitó nga katig-uban kundi pag- sagdon la ha ira!.... Ayaw pagdiwara unina! Ambot ha imo, ha?
-Diri, diri ako magdidiwara, kundi, anó in nahinabo, hombre de Dios!
Hi Juanito nakadto na lugaring ha hirayo; naka- kitá hiya nga nagtitidaóp in usa nga guardia ngan na- hadlok nga bangin hiya pagdakpon.
