urusahon didá han mga higrani nga baláy. An batan'on
kay waray sasabót kun ano in hinungdan, waray pa-
kaalantad, nagpadayon han turon ngan sinmulód han
purtahan. Duhá nga guardia han Veterana tinmapó
ha iya ngan nagpakianá kun ano iya tuyo. Hi Basilio
sinmabót nag dinmalidali hiya ngadto, kundi diri na
makakag-isol.
-Napakanhi ako pakigkita kan Makaraig nga akon sangkay.
An mga guwardyas naggisiplatay.
-Maghulát ka dinhi, nagsiring ha iya an usá; -hulát dinhi ngadá han paglusad han kabo.
Hi Basilio kinmagát han mga im-im ngan an mga pulong ni Simoun binmalik pag-aningal ha iya mga durunggan... Gindakóp na ada hi Makaraig?. an iya hunahuna, kundi waray hiya pagpasipara pagpakiana.
Waray kaihá an iya paghulát hadto manta nalusad hi Makaraig nga nakikighinimangraw hin malipayon han kabo, nga ngaduhá gin-uunhan hin agwasíl.
-Ano? Ikaw liwát, Basilio? -nagpakianá. Nakanhi ako pakigkita ha imo....
-Darayawon nga batasan!-nagsiring hi Makaraig nagtitinawa; -kun malinaw an panahón naghihirót ka ha amon. . . .
An kabó nagpakianá kan Basilio han iya ngaran ngan nagpinalipali han iya listahan.
-Magturuon hin Medicina, dalan Anloague?— nagpakianá an kabo.
Hi Basilio kinmagát han mga im-im.
-Imo kami iginhirot hin pagsinakaysakay hin kotse,namulong an kabo ngan dun'an hi Basilio ha sugbong, gindadakop ko ikaw yaná.
-Kay anó, upod ako?
Hi Makaraig hinmarahara.
-Ayaw kabaraka, amigo; mananakay kitá hin kotse ngan hamtang kitá magsasarakay pagsusumatán ta ikaw han panihapon kagab-i.
Ngan ha kilos nga pakiangay, sugad hin aadto la hiya ha ira balay, nag-agda han agwasil ngan han kabo nga manakay didá han kotse nga naghihinulat ha may purtahan.
-Ngadto ha Gobierno Civil! -nagsiring han kotsero.
