tanán nga mga Ordenes, diri ka makakasiring hito hin
diri ka malipát. Ah! Padre Fernández! kun aadá ako
ha atubangan hin tawo nga akon gindadayaw ngan
gintatahod, gabáy ako say igsumbong diri say an
magsurumbong, gabáy ako say pangawayan diri an
say mangaway. Kundi, kay nagtikáng na man kitá
hin pagpasurusukmat tapusa ta lugód. Inuunano pagtuman
han ira katungdanan hadton, ha mga burubungto,
asya an tinapuran han pagpalakát han pagtutdo han
hibaro? Gin-uuláng! Ngan itón hahani nga nagsipo
han mga pag-aradman, an karuyag maghurma han sarabutan
han mga batan'on, hin diri natugot nga umirog
an ibá nga bisan hino, inuunano an pagtuman han
ira bahin han katungdanan? Iginhahalót an mga hibaró
sugad han ira mahimo, ginpaparong an ngatanán nga
kairás ug kasindak, ginpapahaubos an dungóg nga amo
la an buksanan han kalág ngan say igintutubong ha
amon an mga kadaan nga panhunahuna, mga agupupón
na nga hibaró, mga lisá nga kasayuran nga natipa
han kinabuhi han kauswagan! Ah! oo, kun hinnanabihan
an pagpakaon han mga preso, an pagmangno han
mga kriminal nga diri pan-gutumon, iginpapaagi han
gobyerno hin subasta ha pagbiling han makakahatag
hin katapuran hin maupay nga pagkaon o han diri
uraura nga magpapagutom han mga binilanggo; kundi
kun say hinnanabihan an paghatag hin ikabubuhi han
kalág hin usa nga bungto, hin ikatutubo hin maupay
han panhunahuna han mga batan'on, nga amo an bahín
nga waray dum-it, an bahín nga unina amo an magiginasod
o magigin-ngatanán, an gobyerno diri la kadiri
iginsusubasta kundi kay itinatapod an gahóm didto
han pundok nga amo ngani an naparayaw nga nadiri
han hinbaró, nga nadiri han kauswagan. Anó an aton
mayayakán kun an nagdudulong hin pagkaon ha mga
bilangguan, katima karawat han kuwarta pinaagi ha
palipatlipat, pabay'an unina an mga preso nga panagduason
hin gutom, kay an iginpapakaon mga butód
ngan mga magpan-os, ngan magbabaribad nga an mga
preso diri angay mamay-ada maupay nga lawas kay
nakakahatag hin maglipayon nga panhunahuna, ngan
an maglipayon nga panhunahuna nakakaupay han pamatasan
han tawo, ngan an tawo, diri angay magmaupay,
kay mawawaray na pagpapakaunon nga mga
kriminal han tawo nga may kontrata? Ano in aton
