kita han aton himangrawon; babalikon ko... an akon
mapupulong, basi ka magmatuod, amo nga an iyo mga
kasurusnan diri niyo angay igsála ha amon sugad man
han gobyerno; aadá ito han kadiri hiró han pagkatukod
han katilingban, qui multum probat, nihil probat, 3 nga
nawawará didá han uraura nga paghinirot, ha pagkulang
han kinahanglanon ngan han pagsubra han diri na ginagamit.
-Kun ikaw nagtatangdo hitó nga mga karat'an han iyo pagkabungto, binmatón hi Isagani, -kay anó nga nagagad kamó pangayád hinín ibá nga mga bungto, diri niyo say iton iyo paghingayaron?
—Nagtitikaantaw kitá didto han aton ginhihimangraw, batan'on; angay ta tangduán an mga butang nga humán na....
-Kun amo man, oo. kinakarawat ko nga butáng nga humán na ngan magpapadayon ako pagpinakiana: kay ano nga, kun maraot man an katukod hitón iyo katilingban, diri niyo ginliliwát, o bisan na man la mamati kamo han mga tingog hadin iyo naaamóng?
-Harayo la kitá gihapon: asáy ta gin hihimangraw kun anó an inuungara han mga estudyantes didá han mga prayle.
-Kay napasalipód man an mga prayles didá han gobyerno, an gobyerno in amon dinadaop. Adto nga ginyakan tultol ha katadungan; waráy didto sadáng lutsan.
-Diri ako amo an gobyerno ngan diri ako makakag-angkon han iya mga buhat. Anó an karuyag han mga esudyantes nga angay namon buhaton ha ira ha sakób hinín mga utlanan nga amon hinmumutangán?
- Nga diri kamo magdirí han kaugaringnan han pagtutdo han hibaró, kundi uyunan niyo.
An dominiko pinmiling han ulo.
-Hin diri la ako magsusumát han lugaringon ko nga panhunahuna, itó pangaro nga kami manag-unay,― nagsiríng.
-Balikad; panabi iní hin aagian basi diri kamo manhisabód ngan magkaliligís.
-Hm!— nagsiring hi P. Fernández nga inmukóy ngan namurubuot. -Tikangi niyo hin pangaro han diri uraura kamabug-at, itón mahihimo namon hin paghatag hin diri makakaiban han amon dungóg ug amon mga katadungán, kun mahihimo tá in pagkasarabot ngan
