paglubóng ginkakarukayakan. Karuyag ni Kapitán Tinong
an abitó han pransiskano, labí na kay may adá niya
uusá nga daan, gisi ngan tinangkupan na, makawiwili nga
panapton, sugad han siring han prayle nga naghatag hitó
ha iya nga limós, nga balos hin katluán kag-unóm kapisos,
nakakabawi han namatay didto han mga kalayo ha impyerno,
ngan nagsusumaton pa, hin bagá pagpadig-on hin
diniyusnon nga hinabó nga didá niya kuhaa han mga basahán
nga iginpapasaráng han kapadian. Hi Kapitán Tinong,
bisan duro an pag-awil hadto nga hiyás, andam
paghatag hadto ha iya sangkay nga waray ngani niya gawari
hin kalooy han masakit pa. Kundi usa nga sastre
dinmiri ngan may dako nga katadungan, kay kun hinkit'an
han mga monghas nga sinmaká ha langit deprak,
deprak angay man liwát pagbistihán dinhi ha tuna ngan
waray na kinahanglan hin mga sumpa o mga sukrob nga
diri duduktan hin kalayo; nagsusul-ot hin prak kun napakadto
ha sayaw, ha pamatron, ug waray angay pagpamulaton
nga hananabó ha iya didto ha kahitaasan... ngan,
kitaa! iginkakaigo la kay may adá niya uusá nga tima
nga mahihimo niya pagbuhii hin kanán mga katluán kagduhá
kapisos, haruhabubó hin upát kapisos han bali han
abitó han pransiskano, kay diri niya buót magpaganansya
kan Kapitán Tiyago, kay han buhi pa iya suki, yaná nga
patay na iya mananabang didto ha langit! Kundi hi P.
Irene nga amo an Albacea ngan magpasurugot han testamento,
tinipa ini ngatanán ngan nagsugo nga pasul-után
an minatay han bisan hain han iya mga daan nga panapton
ngan nagyakan, ha dako nga pagkadiniyusnon nga
gawi, nga an Dios diri nag-aatáp han bisan ano nga hitsura
han pamanapton.
An paglubóng nagin labi-ka-de-primera klase. Na may responso ha baláy, ha kalsada, tuló nga prayle an nagopisyo sugad hin an usa diri igo han sugad nga kalág, ginamit an ngatanan nga ritos ug ceremonias nga sadáng mahimo ngan ibinantog nga nagtuha pa hin mga padugáng, kay na may-ada mga extras sugad hiton mga benepisyo ha mga teatruhay. Makawiwili adto: gintubod in kadama'n nga insenso, damo nga latin an ginkanta, damo an nagasto nga agua bendita; hi P. Irene, ayog ha iya sangkay nagkanta didto ha kudo han iya tingog nga falsete, han Dies irae, ngan an mga umurukoy han bungto pinamagsakitan han ulo han masyado na nga pagdinublas.
