Hi donya Patrocinio, an kasibang ni Kapitan Tiyago ha pagdiyós, naghingyap hin ungud-ungod nga mamatay hiya han kabuwás kay magtutugon hiyá hin pagpalubóng nga labaw pa hadto. An makidiyós nga ginang diri gud nakakailob nga adto nga iya kaaway nga iya na gud hin- lulupigán ha kadayunan ha pagkamatay, aadi nakabaw- baw hin duro nga pakalabáw. Oo, karuyag hiyá mama- táy ngan bagá sugád hin iya na nababati an tingog han mga tawo nga nasiring:
—Amo gad ito in paglubóng! Amo iní in kamaaram mamatay, donya Patrocinio.
An kamatay ni Kapitán Tiyago ngan han kabilang- go ni Basilio hinbaruán dayon ha lalawigan, ngan basi ha kadungganan han mga mag-inantuson nga mga tagá San Diego masiring kami nga say labí nga ikinasakit nira inin urhi nga hinabó ngan haros say la ginhihiruhimangraw. Sugad han angay pagpamulaton, an sumat naghinimó hin magkalainlain nga kahimtangan, igin-aasoy in mga tala- gudti nga magsamdong nga hinabó, magpakalilisang, gin- hatagan hin kasayuran an waray hisasayuri, ginpun'an an mga kakulangan lakíp in mga banabana, nga unina nagin- tuód nga hinabó ngan an nahamugso nga manunulay na- kahadlok han namagpakatawo ha iya.
Didto ha bungto ha Tiani isinusumat nga ini nga batan'on magkakurikuri, bangin halinon ngan kaduwás patayon hamtang magsasakáy. An mga hadlukon ngan magraot an pinanhuhunahuna diri pa hiní natungá ngan naghihinabi pa hin mga bitayán ngan mga consejos de guerra; an Enero maraot nga bulan, ha Enero nahanabó an didto ha Cavite ngan adto nga mga tawo, kapadian ngani, pinanhikog, say pa in usa nga Basilio nga waray palad ngan waray naugop nga kasangkayan....
—Ako, daan ako ha iya nagsisiniring!-naghihinay- hayon an Juez de Paz, bagá sugad hin tuód gud nga nag- sagdon kan Basilio;—daan ko hiyá ginsisiniring...
—Daan gud la adto nagdadalán,—nasagbang hi her- mana Penchang:—nasulód ha singbahán ngan umabat ngani nga mahugaw an agua bendita diri nangungudós!
