humog hiya hin mahagkot nga balhas, daw an balhas han
kamatayon!
-Ináy, inay!-nagtatangís.
Kundi adton namamaglaráng han kapalaran han mga bungto, an nagsusugo pagpapatay nga ipinapasangil ha balaod, an nagbabari han katadungan ngan nagamit han iya tungod basi may sarigan han pagtalumpigos, magupay an pangaturog.
Ha katapusan, inmabót in lumalabay tikang ha Manila ngan nagsinumat nga pinanmuhian an nagtanán nga preso, ubos, hi Basilio la in waray tungod kay waray man ha iya nanginano. Didto ha Manila iginkakasumatsumat, an pulong han tawo, nga an batan'on hahalinon ngadto ha Carolinas, ginpapirma na ngadaan hin usa nga pangaro diín iginbutáng nga iva adto kaburut'on nga pangaro." An tawo nga tikang ha Manila nakakitá han bapór nga pagdudulungan ha iya.
Adto nga sumat nakakuha han mga ruhaduha ni Julí, labot la nga an iya ulo daan na andam kaupay tungód han pirá kagab-i nga pag-inagma ngan han iya magpakalilisang nga mga inóp. Iginduduas ngan an mga mata waráy himumutang hin paniplat, kinadto hi Hermana Bali ngan, ha tingog nga nakakabaraka, ginsiring nga andam na hiyá ngan nagpakianá kun uupdan ba hiyá niya.
Nalipay hi Hermana Balí ngan nagsiring nga diri mabaraka, kundi hi Juli waray pamamati kay bagá say la tuyo an pag-abót dayon ngadto ha kombento. Nag-ayád hiyá, nagliwán han maupay niya nga panapton ngan bagá malipayon hiyá. Duro an yakán bisan kun baga diri surusumpay.
Nagtikáng hirá pagkalakat. Hi Julí nahauuná ngan nauurit nga an iya upód nauurhi. Kundi han nagtitikaharani na hirá ngadto ha bungto, an iya laksi nagtikawara hin hinayhinay, waray na pagyayakán, waray na panunuron han tuyo, tikahináy na an pitád, ngan katima say na nauurhi. Nagkinahanglan nga pag-agdahón ni Hermana Balí.
-Halá kay malalangan kita!-nasiring.
Hi Julí iginduduas la gihapon, nagtitinamod han matá, waray pagpapasipara pagsiplat ha igbaw. Nakasiríng nga ginkikkinita hiya han bug-os nga kalibutan ngan gintutudlok hiyá. May uusá nga ngaran nga waráy haros iya nadudungóg ha iya talinga, kundi napakabangól la
