an kanán batan’on nga estudyante makalilisang. An iya
bayhon nanlulunod, waray tuhay an pamanapton ngan
waray kasudlay an buhok. Nawara an matam-is nga
kasamdong dida han iya mga mata; lugod may ada maitom
nga laga; pakakasidngon nga hiya namatay ngan
an iya lawas nabanhaw kay nangirhat han iya hmkit’an
didto ha Iain nga kinabuhi. Kun diri an pagtalapas, tingali
an lambong han pagtalapas asya an kinikita dida
han iya bug-os nga dagway. Hi Simoun ngahaw nahapanganga
ngan binmati bin kapaid hadto nga waray palad.
Hi Basilio, waray paghatag hin katalahuran, dinmaop hin hinayhinay ngan magyakan hin tingog nga nakabantad han alahero:
—Senyor Simoun, naginmaraot ako nga anak ngan maraot nga bugto; hinngalimtan ko an pagpataya han akon bugto ngan han pagdarahugi han akon iroy, ngan pinarusahan ako sa Dios! Yana waray ko iba nga dupot kundi pagbulos hin maraot kontra han maraot, pag talapas kontra pagtalapas, panlupig kontra panlupig.
Hi Simoun namamati waray aringasa.
—May upat na kabulan,— nagpadayon hi Basilio,
—ginhimangrawan mo ako han imo bubuhaton; waray
ako maruyag pagbulig, ngan nagsaydp ako; matuod an
imo. May tulo na kabulan may tunga an karibok
naipagtirikang; waray ako gibapon maruyag pagbulig ngan
adto nga pangahas nagpurak. Balos han akon paghirot
nabilanggo ako ngan an akon kabawi nautang ko ha imo
mga panalinguha. May katadungan ka ngan yana nakanhi
ako pagsiring ha imo: tagi ako hin annas ngan
magtikang an karibok! Andam ako hin pagsugot ha
imo katampo han ngatanan nga waray kapalaran!
An dampog nga nakakalambong han agtang ni Simoun gilayon nawara ngan in usa nga silaw hin pagdaog inabat nga nag-inggat dida han iya mga mata ngan, sugad hin daw iginkita han iya ginbibinilmg, nagyakan:
—Oo, may katadungan ako! An matadong asya an akon kabulig, hahani ha akon an kamatuuran kay an akon kasugad asya an kasugad han mga waray palad.... Salamat, batan’on, salamat! Inmabot ka pagpara han akon mga ruhaduha, pagpadpad han akon paghialang....
Binmuhat hi Simoun ngan an iya nawong daw nagraranggat: an kasindak nga naguop ha iya, badton may
