—Tsiko, kamasiluod han anitan! Baga in tawotawo!
Waray kaiha umabot an ginkasal nga magpadis, inuupdan ni donya Victorina ngan hin iba pa nga kaburunyog. Mga pahalipay, mga panlamano, mga dapikal nga pag-ugay han lalaki, mga turuok nga siplat, makimalaway, han lawas han babayi, ini tikang didto han kalalakin’an; tikang didto han kababayin’an, pag-ulit-ukit han trahe, han mga alahas nga sukrob, banabana han pakailob, han kalawas ng iba pa.
—Hi Psiquis ngan hi Cupido nga inmulpot ngadto ha Olimpo!—nanhunahuna hi Ben Zayb ngan iya tinigamnan hin maupay nga pagpadis han duha basi niya magamit ha mauruupay nga panahon.
Matuod man gud, an lalaki amo an dagway han masui’i nga diyos han gugma, ngan kun buligan hin gutiay nga kaburut’on, an iya kabuktutan mahihimo pakasidngon nga bias hin mga udyong hin pana, labi kun natubaw nga uraura kay diri gud natatago han sul-ot nga prak.
Hi don Timoteo nagtitikang na pagbati hin sakit ha hawak, an kubal ha till nag-iinundag, ginugul’an na an iya Hog ngan an Kapitan Heneral waray pa umabot! An mga dagko nga diyos, sugad kanda P. Irene ngan hi P. Salvi, nagkaabot na, matuod ito, kundi waray pa an barag-asaw. Waray himumutang, iniirasan, nadinagukdok an iya kasing-kasing, kinakarukalibang, kundi makuri bayaan an panaludo, pakihiyom, katima napakadto, diri nahihimo, nalingkod, nabuhat, diri namamati han iginhihimangraw ha iya, diri nagyayakan han iya karuyag sidngon. Dida hini nga uras may usa nga diyos nga dudyaganon naghimangraw ha iya mahatungod han iya mga cromos kay iginmugo nga nakakahugaw lugod han mga puto.
—Nakakahugaw han mga puto!— sinubdd ni don Timoteo, nagsumpa nga kun mabuwas iya pasusuktan, adto nga masuson, han iya mga vale didto han tindahan.
—An Heneral! An Kapitan Heneral!
Iginduduas han kulba, hi don Timoteo binmuhat, inilob an kamasakit han kubal ngan inupdan han iya anak ngan han mga dagko nga diyos, linmusad pagtapo Pian Magnum Fovem Na wara an masakft ha hawak tungod kay say dinmangop ha iya hadto nga uras an mga pagruhaduha: say mya itatapo in usa nga hiyom o
