Pinanmuhian an mga kubyertos.
Dida hini an suga nagtikang hin pag-arupaóp.
—An kingke mapaparong,— nagmugo an Heneral waray himumutang; —alayon daw kitd pagpaulpot hiton pabilo, P. Irene.
Hadto ngahaw, malaksi baga an kikidlat, sinmulód in usa katawo nga nakapulikwang hin usa nga lingkuran ngan pinudol in usa nga suruguon, ngan ha butnga han kalas han ngatanan, rinabot an kingke, dinmalagan ngadto ha azotea ngan ihabaw ngadto ha salog. Ini nahanabo ha usa la kadali: an komedor nagsisirom.
Nahuhulog na an kingke ngadto ha salog ngan an mga suruguon nagpakaguliat: —Makawat, usa nga makawat!— ngan nagdadlagan man ngadto ha azotea
—Usa nga rebolber!— ginmuliat in usa; —dali usa nga rebolber! Lanata iton makawat!
Kundi an lambong nga labi pa hin kalaksi, nakakatungtong na dida han rihas nga baldusa, ngan ugsa magpakadagkot hin suga, nakakaambak na ngadto ha salog, ngan binati an iya garhob nga pagtumbigan han paghiumpag ha tubig.
Han kasayod gud la kun ano an nahinabo, han pakadagkot hin mga suga, ngan pakakita han diri mga tuhay nga postura han kadiyusan, hi Ben Zayb, puno hin ka ngalas ngan dara na an pagtugot han fiscal de imprenta, nagdinalagan pag-uli ngadto ha iya balay, —usa nga entresuelo nga iya ginlulugaringan, kalungon hin iba— kay magsusurat han artikulo nga waray na masugad hin kamakatarag-ob ha sirong han langit ha Pilipinas: An Kapitan Heneral mabibido nga magikan kun diri anay bumasa han iya mga pahagurong ngan ini diri itutugot ni Ben Zayb nga maupay in kasingkasing. Salit nagilob na la hin pagbaya han panihapon ngan han sayaw, ngan wariy katurog hadto nga gab-i.
Magtunog nga mga paningog ha kalisang, ha kapungot, pagpananglit nga nahagun-ob an kalibutan ngan an mga bituon, an dayon nga mga bituon, namagkairintok! Katapos butangan hin usa nga pagtikang nga surupaton, pun6 hin pasambingay, padiridiri....
