Katapos, ngan basi igkatipa, ginsusumaton an dagway
han kawatan: kahadlok, katuyaw, kalisang, paniplat
nga waray turon, nanlulunod an bayhon ngan, oh,
gahom han pagkalabaw han tulin! an iya diniyusnon nga
katahod han pakakita nga didto natitirok in mga
hadianon nga pagkatawo! Ngan dinhi nahasukol in
halaba nga pahamatngon, usa nga laygay, usa nga luwa
patok han pagtixaraot han mag-upay nga pamatasan,
salit kinahanglan an pagtukod hin usa nga tribunal militar nga pirme,
“an paglarang han estado de sitio ha
sakob han estado de sitio nga daan na ginlarang, usa
nga balaod nga lain, mapintas, pagdidirian, kay kinahanglanon gud,
kay kasuruk’an nga waray baribad an
pagpakita han mga banyaga ug magtinalapasnon nga
kun an kasingkasmg maluluy’on, ngan nangangag-andk
hadton mga buutan ug magsinugtanon han balaod, an
kamot mabaskog, tigsad, waray kaluoy, waray pagturos ngan maisog para
hadton nagbabari han mga
katadungan ngan nagpapakaalo han mga marahalon nga
tinukod han tuna nga natawhan. Oo, senyores, ini
nga kahimtang nagkikinahanglan, diri la para han kaupayan him nga kapupud an, diri la para han kaupayan
han ngatanan nga katawuhan, kundi sugad man an
ngaran han Espana, an dungog han ngaran nga katsila,
an bantog han bungto nga ibero, kay ha atubangan han
ngatanan nga butang, kakatsilaan kita ngan an bandera
ha Espana” ug iba iba pa.
Ngan tinapusan an artikulo hinin masunod nga pagpagikan:
“Gumikan nala, di mabaraka, an maisog nga mangaraway nga tungod kay kamot nga hiara, say nagbuót han kapalaran hini nga tuna ha mga panahon nga magkuri! Magsakay na, diri mabaraka, basi guminhawa han maamhot nga harupoy han Manzanares! Kami mapabilin, magtinumanon nga bantay, nga magdudumdom han imo ngaran, magdadayaw han imo tultol nga mga pagburut’an ngan pagsirot han waray haros nga pagpasipara patok han imo marahalon nga regalo, nga amon manta pagbibilngon bisan kun amon paglimasan an kagadatan! An sugad kamakawiwili nga hiyas para hini nga tuna usa nga dayon nga monumento han imo kahuyayag magpakita hin kaburut’on, waray pagkahangit ngan pagkalalaki!”
Sugad hini tinapusan an baga masamok nga arti-
