kingke, diri pagbilngon an kawatán ngan nagtugon han
mga sumaraliwán ha iya nga diri mamagpasipara pagkadto pagkaon ha balay hin bisan hino nga tawo kun
diri libot hin mga bantay nga sangkap hin hinganibán.
Ngan tungod kay an nasayod hin gutiay han hinabó
hadto nga gab-i didto ha balay ni don Timoteo kaudgan mga empleado ngan mga militar, waray pagkuri an
pangimbuwa, han kasugad ha kadam'an: an kamutangan han Tuna nga Natawhan nahalalakip. Tungód
hini nga ngaran, tugób bin heroismo, tinmungok han
ulo ngan say gindumdom hi Abraham, hi Guzman el
Bueno o bisan na la hi Brutus ug ibá nga mga una nga
bayani didá ha mga kaasoy.
An sugad kadako nga pag-ula hin guól diri mahihimo nga di pagbalsan. An diyós han mga peryodista hin aayunán kaa Abraham-Ben Zayb. Haros hadto ngahaw nga panahón kinmuysad an manulunda nga manunumat dará an natí han karnero nga dagway hin usa nga sulang nga binuhat didto hin usa nga quinta ha pangpang han Pasig diín nagpapahagnaw in pipirá nga prayle tungód han kapasó. Panahón na ngahaw nga hi Abraham-Ben Zayb magdayig han iya diyós.
-An mga tulisán nakakuha hin kapin hin duhá kayukót kapisos, binayaan, nga dako in kasamdan, in usa nga padi, nangaway sugad han nahimo didá ha luyó hin usa nga taburiti nga napusak didá ha iya kamót....
-Hulát, hulát anay!- nagsiring hi Ben Zayb nag- susurát han sumat; -mga kap'atan o kalim'an nga tulisán, maglinguon.... mga rebolber, sundang eskopeta, pistola.... liyón nga nangangalasag, taburiti.... nagkatipiktipik.... aako an kasamdan... napulo kayukót kapisos....
Ngan punó hin kasindak ngan diri pa tuang ha iya an mga sumat, napakadte han lugar nga hinnabuán, hamtang naglalakát ha dalan naghihinimó ha hunahuna han susuratón unina nga makakag-asoy han kombate hin kan Homero pinulungan. Usa nga pag-aghat nga halipot didá ha baba han puno? Usa kapulóng nga tampalas ha baba han padi? An mga pagpahayaw ug pagtarutanding nga ginamit kan S. E., kan P. Irene ngan kan P. Salvi, iginkakaigo han padi nga samád, ngan an kaasoy mahatungód han kawatán tuptop gud ha tagsa ha ira han mga tampalasan. Didá han pa-
