gugma. Nakakaurit iní kaupay han pikóy nga isinasabong didá han pirók han atóp, ngan inugayan nira, kay
maaram na mag-hatag hin maupay nga aga ngan hin
mahigugmaon nga mga pulong ha ngatanán nga tawo. Hi
Kapitana Loleng, an makurimot ngan masinabuton nga
Kapitana Loleng, may binuklad nga listahan hin mga
bayad ngan mga utang nga diri niya ginbabasa, diri man
liwát ginsusuratán; diri ngadto pagkikitá han mga pinggan nga punó hin mga perlas nga suwelto, sugad man han
mga brilyantes; hadto nga uras iya hinngangalimtan ngan
nakadto an iya buót ha pagpinamati. An iya ngahaw
bana, an bantog nga Kapitán Toringgoy, sinaluknib han
ngaran nga Domingo, an labí kamahimayaon didá ha arrabal, nga waray ibá nga buhat kun diri an pamustura
ha pagbiste, kumaon, magpasyada ngan makighinimangraw hamtang an iya mga sakop ha panimaláy namamagguól, nananalinguha, diri napakadto ha mga hiringyon,
nagpipinamati, may kahadlok ngan may kakulba han
magpakangingirhat nga suma han magasaay nga Chichoy.
Ngan diri kay harumamay la. Hi Chichoy napakadto pagdulong hin usa nga humán nga buhat ngadto kan D. Timoteo Pelaez, nga amo in usa kapadis nga ariyos nga brilyante nga kanán bag-o nga kinasál, ngan iginkaigo nga nagrurungkab han kiyosko nga han gab-i nga inmagi ginamit nga komedor han mga dagko nga punuan. Didá hini hi Chichoy namumuság ngan namamarát an buhok.
-Naku! nganiya,-mga sinako nga pulburá, ha ilaróm han salóg, ha alkoba, ha sirong han lamisa, didá ngahaw han mga lingkuran, bisan diín! Salamat nga waráy may nagtatabakó han mga magburuhát! -Ngan hino man in nagbutáng hitó nga mga sinako nga pulburá?-napakiana hi Kapitana Loleng nga maisog ngan diri hadlukon, sugad kan Momoy an mangurulitawó.
Hi Momoy nahangadto han pakasál salit sarabuton an iya urhi na nga kahadlok. Hi Momoy nakadá lilingkod ha harani han kiyosko.
-Amo itó an waray kasasayuri,-binmatón hi Chichoy;-hino an may tuyo hin pagsamok han panagtawo? Uusá la an magbubuhat hitó, amo an siring ni Abogado Sr. Pasta nga nahangadto panungbalay, kun diri usá nga kasibang ni Juanito.
