na daw la an hataas nga ngaran han gilalabawi? Ano?
In usa nga Kapitan Heneral ha Filipinas diri makakaigo pagpusil, daw sugad hin pakakakapot pa la hin
pusil? Ano in mayayakan han mga indiyo nga may
mag-upay na pumusil? Kun amo, namimiligro an kamutangan han Iroy nga Tuna ....
Salit hi S. E., nga natawd baga in koneho, ngan nagpapakaparapanganop nga waray katumani, nagsugo hin panguli ha Los Banos ha kadagmitan, kundi namulong anay, hamtang hira nagkakalakat, han iya mga kalalaki ha pangabayo didto hin mga panganupan ha Peninsula, baga sugad hin diri niya ayon hinabihan, kay ginamit niya an tingog nga pakatamay nga angay ha panahon, para han mga pagpanganop didto ha Filipi nas. Pse! Mauruupay pa an pangarigo ha Dampalit, an mga tap-ong ha ligid han danaw ngan han tresilyo ha palasyo lakip in usa o pira nga eskursiyon ngadto han danaw han mga buaya, kay makaiipa lugod ngan kulang hin mga kataragman nga makakaraot han Iroy nga Tuna.
Didto han mga katapusan nga adlaw han Disyembre nakadto hi S. E. ha sala nag-uuyag han tresilyo, hamtang naghihinulat han uras han pamahaw. Paghahawas pa la tikang karigo ngan hin pag-inom han kabatasanan nga sabaw ngan unod hin silot nga lubi ngan maupay an iya kabilok hadto nga adlaw nga ipanhahatag hin mga kaupayan. Napadugang han iya kamalipayon an pagdinaog nakadamo, kay hira P. Irene ngan hi P. Sibyla nga iya mga kauyag nangangahas paggamit han ira ulo basi hira mapirde hin palikaw la, lakip an kahangit ni P. Camorra nga, tungod kay pag-aabot pa la hadto nga aga, diri sayod han ira ginpapalakat nga uyag. An prayle-artilyero, kay nauyag hin sinadiyos la, nag-iikmat, namumula ngan nakagat han mga im-im ha ikmapagsayop ni P. Sibyla nga diri nagkikita hin maupay ngan nahalilisa, kundi diri nagpapasipara pagmugo dara han iya katahod han domimko; kundi, nabulos didto kan P. Irene nga iya iniisip nga ubos ha iya ngan badyangasan ngan iya la gintatamay ha butnga han iya kagaralgadal. Hi P. Sibyla diri ngani ha iya nasiplat; pinababay’an la nga mag-inaringasa; hi P. Irene uruub6s an kaburut’on, nagtatalinguha hin pag-alinggawas, naghihinapyod han kataisan han iya irong nga halaba; hi S. E. nahangangaruyag ngan nagpa-
