baga didto ha abo iya tinabunan han usod basi diri maparong, sugad han aton binubuhat han aton mga kasakit ha kasingkasing: aton tinatabunan han usod ha diri na pakighilabtanay basi diri maparong, basi diri mapapas dida han adlaw-adlaw nga aton pakig-angay-angay han aton igkasi.
Hi Basilio, katima ngurob han iya mga pangadion, hinmigda ha harani ni iya inay nga nangangadi, naluhod. Pinapasuan hiya ngan hinahagkot; nagtalinguha pagpiyong han iya mga mata, pagpinanumdom han iya manghod nga hadto nga gab-i naghunahuna hin pagkaturog ha butkon ni iya inay, ngan yana tingali nagtitinangis ug nangungurog hin kahadlok didto hin usa nga masirom nga piliw ha kombento. Daw nababati niya an mga kuligi nga iya nadungog didto ha lingganayan, kundi an iya mga guol nga balatian nagtitikang na pagsalakot han iya mga panhunahuna, salit waray kaiha an lambong han mga irinupon kinmuysad ngada ha iya mga mata.
Nakita niya in usa nga sulod nga sinug’an hin duduha nga kandila. An padi nga may dara nga uway ha kamot, nagkukuriot, namamati han Sakristan Mayor nga nagsisinumat hin diri sinasabot nga pinulungan, nga inuupdan hin mga kiwa nga magpakangingirhat. Hi Crispin nangu ngurog ngan nagtitinuok, nagliliningi paluyuluyo sugad hin namimiling hin sadang tumabag o hin sadang taguan. Unina inaatubang hiya han padi ngan pinangingisugan dungan an pagpanhugaltob han uway. An bata nadalagan pagpasalipod didto ha luyo han sakristan, kundi gintatalo lugod hiya ngan idinuduhol han hinmamanunulayan nga padi: an bata nag-iililikayan, nanmamanyak, naguliat, nahigda, napulilid, natindak, nadalagan, nahararambo, nahapapayaob, nananagang han iya mga kamot nga kun say naiigo, tinatago dayon ha iya luyo ngan magkinurahab. Hi Basilio nakakakita ha iya nga nagbabalihagod, nga nahamamakmak an ulo didto ha salog: nakikita niya ngan nababati an lapirit han uway! An iya manghod, waray kaiha, nabuhat! diri na nakakailob han pinamamati, nadasmag han namamagdarahog ha iya ngan kinakagat an padi dida ha ka mot. An padi naguliat, hinbubuhian an uway,' an sakris tan napurot hin tungkod ngan binabalbag an bata dida ha ulo nga nalilipong ngan natutumba ha salog; an padi han pagsabot nga samad hiya binanyakan, kundi diri na nana nagang, diri na naguliat; nagtatarutambulilid na la ha salog
