sugad hin batang, ngan nabilin ha tinatambuliliran hin mahulos nga agi . . .(3> An tingog ni Sisa say niya hinmangnuan. —Inaano ka? Kay ano nga nagtitinuok ka? —Nag-inop ako . . . Ginoo!— namulong hi Basilio nga binmuhat, humog hin balhas. —Inop la adto; siring, inay, nga inop la adto! —Ano imo gin-inop? Waray baton an bata. Binmuhat pamahid han mga luha ngan balhas. Masirumsirom didto ha sakob han payag. —Usa nga inop, usa nga inop? — nagyiyinakan hi Ba silio hin hamubo nga tingog. —S'umati ako kun ano an imo inop;— diri ako hangangaturog!— nasiring an iroy han paghigda liwat han iya anak. —Nag-inop ako ... an huring ni Basilo kan iya inay, —nga nakadto kita panguha hin mga uhay . . . didto hin usa nga huron nga dagma hin bukad... an kababayin’an may ada mga singlot nga puno hin uhay . . . an kalalakin’an may ada man liwat mga singlot nga puno man. liwat hin uhay. . .ngan an kabataan amo man. . .diri na ako nahanunumdom, inay, diri na ako nahanunumdom han
iba !(4) Hi Sisa waray paglugos; diri hiya nag-aasa han mga inop. —May ada ko nahunahunaan yana nga gab-i inay, — nagsiring hi Basilio katapos hin pira kadali nga diri pagtingol. —Ano nga nahunahunaan?— nagpakiana an iroy. Hi Sisa, mapinaubsanon ha ngatanan, pati ha iya mga anak nagpapaubos," iya pinakakasiring nga mag-uruupay pa ha iya manhunahuna. —Diri na ako unta buot sumulob katanod! —Kay ano? —Pamati, inay, hinin akon nahuhunahunaan. Yana inmabot tikang ha Espanya an anak ni adton D. Rafael Ibar ra nga masusugad kamaupay hin batasan hadton iya amay. Kun asya, inay, buwas kuhaon mo hi Crispin, sukton mo an suhol ha akon ngan siring nga diri na ako masulod ka tanod. Mag-upay ngani ako makadto ako dayon kan D. Crisostomo pakimaluoy nga iya na la ako himuon nga magmarangno hin kabakahan, o kakarabwan; dako na gad ako. Hi Crispin makakagtuon didto ha balay ni Tasyo, nga mau-
