han mga multa; ngan an may sala hito ngatanan amo adton duha nga magbugto. lya binayaan an sakristiya ngan magtipakadto ha kombento ngan dida han sirong nga liburan, may namamagbinantay ha iya, nanlilingkod ha mga bangko in pipito, kun wawalo ba nga kababayin’an ngan hin uusa nga lalaki nga naglilinakatlakat tikang ha usa nga katapusan ngadto ha luyo. Paghikit’i la ha iya magkatindog ngan in usa nga babayi dinmaraon pagharok han iya kamot, kundi an padi pinmaabat hin kiwa nga kanan kangalas nga nakapaisol han babayi. —Nawad'an hin sikapat, ini nga kuripot (:)—sinmiring an babayi, upod in tawa nga hilaw kay nabudlay hadto nga sugat ha iya. Hiya diri pahahadkon ha kamot, hiya nga celadora han bug-os nga Hermandad, hi Hermana Rufa? Amo pa daw! —Kanina han aga waray lingkod didto ha kumpisalan! — sinmagbang hi Hermana Sipa, usa nga tigurang nga wa ray na ngipon; —nagkukumpisal unta ako kay buot ako kumarawat basi ko mamay-mga-indulhensyas. —Napaid ako ha imo I — binmaton in usa nga batan’on pa nga ginang nga kanan sumatan an dagway; —hini nga simana tulo nga plenarya akon nasalod ngan akon nga tanan iginpahanungod han kalag han akon bana. —Sayop, Hermana Juana! — sinmiring an nauurit nga Rufa. —Usa nga plenarya igo na pagkuha ha iya didto ha Purgatoryo; diri mo angay manggaranon la hin gamit han mga indulhensyas; say la ako sunda. —An akon la, nganakon: gabay madarudamo kay maupay ngani! —binmaton an tapang nga Hermana Juana, napihaw. —Kundi, pagsumat daw, ano imo binubuhat? Hi Hermana Rufa waray anay baton; nakipinit anay hin buyo, nagmama sinmiplat han iba nga nanhihipahungat ha iya hin pamati, linmupad ngadto ha luyo ngan mamulong hamtang nagmamaskada. -—Diri ako nagkakarag, bisan usa la nga mahal nga adlaw! Tikang ako hatampo han Hermandad may ada ko na nakarawat nga 157 nga plenarya, ngatanan maabot na hin 760,198 katuig nga indulhensya. Ibinabadlis ko ito ngatanan kay karuyag ko in tuhaytuhay nga ihap, diri ako buot maglimbong, ngan diri man ako matugot nga paglimbungan ako. Hi Hermana Rufa inmukoy anay ngan magpadayon
