human, baga sugad hin may tinurunan, nagpadayon: —Diri ko angay ikaawod an kaagi han akon mga kabudlayan ha buot; bisan hino dida hini nga kamutangan magsusugad ha akon. Sugad han akon na nahiasoy, maupay an lakat ha pagtikang; kundi, mga ikapira kaadlaw nga nahagos ipinatawag ako ni P. Damaso, an padi hadto dinhi, ipinakuha ako han sakristan mayor. Tungod kay diri pa ako hadto nakilala han iya batasan ngan nahirot ako hin d»paghinulat ha iya, sinmaka ako dayon, naghatag ako hin katalahuran ngan hin maupay nga aga ha kinatsila. Kabatasanan han padi kun ginhahatagan ko hin katalahuran in pagduhol han iya kamot pagpaharok, kundi hadto binutong an kamot ngan waray ngani ha akon baton nagtikang hin harahara nga dapit badyangas. Pinmihaw ako; nakada had to tambong an sakristan mayor. Waray ako dayon hibaro kun ano akon pamumulungon: nagkinita na la ako ha iya, kundi hiya nagpadayon hin harahara. Nagtitikangalas na ako ngan naabat ako nga tingali kun hinalidalian ako, kay diri bakay matinumanon kita nga binunyagan pagpapakaaluhan la kita. Nag-iiparakiana na ako nga abaton ko nga tinmigda pag-ukoy hin tawa ngan manampalas, siniring ako hin dako nga pakatamay: “Buenos dias, ha? Buenos dias! Kamakalilipay! Maaram ka na magkinatsila ” ngan magpadayon pagtinawa. Hi Ibarra waray pakailob han iya taraw’on. -—Nahakakatawa ka, — nagsiring an magturutdo nga nagtitinawa man liwat; —ig-aasoy ko ha imo nga hadto wa ray gud ako hikatawa. Nagtitinukdaw ako; inmabat ako nga an akon dugo sinmaka ha akon ulo ug in usa nga daw kikidlat nakapasirom han akon pangitaan. Ginkikinita ko an padi nga harayo, harayo kaupay; dinmuok ako ngadto ha iya pag-ibaraton, bisan waray ko sasabuta kun ano an akon pagyayaknon. An sakristan pinmabutnga, hiya tinmukdaw ngan mamulong ha akon hin ungud-ungod ha tinag-alog: “Ayaw ako gamiti hin mga hinuram nga ginawi; pag-ilob pagyakan hiton imo kalugaringon nga yinaknan ayaw paghinugawi an kinatsilai kay diri ito ataga ha iyo. Nakilala ka han magturutdo nga hi Ciruela?(,,) Hi Ciruela asya in usa nga magturutdo nga diri maaram magbasa ngan nagtukod hin usa nga liburan.” Buot ko unta kaptan, kun di dinmankulos ngadto ha sakob han iya sulod ngan magsada hin tigda han iya purtahan. Ano in akon bubuhaton,
