Asya ini an ruwang han tribunal nga titirukan, asya an panlatusan ug iba pa. Dinhi yana maghihiruhimangraw an mga punuan han bungto ug mga baryo; an hugpo han katigurangan diri natampo didto han kanan mga batan’on ngan usausa ha ira diri nagkakaarasdang: asya hira an magiginlawas han mga hugpo nga konserbador ug liberal, lugaring kay an ira pagkariwariwa ha mga kaburubungtuhan danay hilasngan. —Diri ako nalilipay hinin tulos hini nga gobernadorsilyo! — an pulong ni D. Filipo, puno han hugpo nga li beral, ha iya kasangkayan; — Tinutuyo gud ito niya hin pagpasibaya han pagsarusarabot mahatungod han garamiton nga salapi tubtob ngada ha urhi nga uras. Sabuta niyo nga nanapulo na la kag-usa kaadlaw. —Ngan aadto pag-iiniha ha kombento pakigsinabot hiton padi nga aada masakit!— sinmumpay in usa han mga batan’on. —Waray sapayan! — sinmagbang in lain; —andam na namon ngatanan. Basta diri la say pagkauruyunan iton ka nan kalagasan panhunahuna . . . —Diri, — an siring ni D. Filipo; — ako in magpapasaka han proyekto hiton kalagasan. —Ano? Ano it im siring? — nanhinpakiana han namagpakabati ha iya, nanhihipausa. —Nasiring ako nga kun ako in siyahan makapamulong, magpapahayag ako han nahuhunahuna han aton mga kasibang. —Ta, inin aton? —Ikaw hito in magpapahayag, — binmaton an tenyente, nahiyom, ngan say inatubang in usa nga batan’on pa nga ginhaupan ;<4) —magyayakan ka katima riwaha hiton akon pamumulungon. —Waray kami ha imo sasabot, senyor! — sinmiring an iya mga kahimangraw, namamagruhaduha. —Pamati kamo! — nagsiring hi D. Filipo hin ubos nga tingog ha duha kun tulo ba nga ha iya namamati. —Ka nina han aga iginkita ako kanTasyo an tigurang. —Ta, ano man? —An tigurang nasiring ha akon: “Iton iyo mga kasibang nangangalas ha iyo, labi pa ngani hiton kangalas han lunlon niyo ipamulong. Karuyag niyo nga in usa nga tuyo diri mahimo? Igpahayag niyo, kay bisan maglabi ka-
