la ha mga bukid ug mga siong, baga sugad hin pinanmumugkot hin banwaanon? (12) Dida han aton mga batasan,
hinihigugma ta an katam-is ug kahuboy han babayi ngan
nahadlok kita pagkapot hin kamot hin usa nga daraga nga
puros hin dugo, bisan pa kun adto nga dugo kanan muros,
o kanan higante; dinhi ha aton iginkakaraot ug pinakakatampalasan ta an tawo nga nagpapasipara han iya kamot
pagpahapon ha usa nga babayi, maprinsipe, maalperes, mahurunanon.(13) Diri ba labi kamaupay kun say naton igpaguwa in nahananabi han aton kalugaringon nga mga batasan, basi habaro kita pagkuha han mga karat'an ug mga
kasurusnan ngan dayawon ta an aton maupay nga pamatasan?
—Asya na, asya! — sinmumpay an iya mga kauruyon.
—May katadungan, — an siring han iba nga kalagasan nga namamagpinanmurubuot.
—Waray gud ako hito pakapanhunahuna! — nagngurutob hi Kapitan Basilio.
—Kundi, uunanhon man ito niyo pagpalakat? — pinmakiana an diri napabaribad.
—Masayunay!— nagbaton an batan'on. —Aadi dara ko in duduha nga paguwa nga sabuot ko, an magpinilion ug magpainuinuhon nga katigurangan nga dinhi tirok yana panhihiayunan. Ginngangaranan, an usa "An Pagpili han Gobernadorsilyo", usa nga paguwa nga pataraw'an nga may lilima kabahin ngan ginsurat hin usa hinin mga tambong yana dinhi. An usa man may sisiyam kabahin nga mahapapaguwa ha sulod hin duha kagab-i ug asya in usa drama nga nahananabi hin mga butang nga diri lawasnon, ngan an mga paagi dapit pagsuson, sinurat hin usa han aton mag-upay nga mga parasiday ha lalawigan ngan ginngangaranan nga "Mariang Makiling".(14) Han pag-abat namon nga naiiha na an pagsarusarabot mahatungod han mga kaarandaman han patron, ngan paghirot nga kablason kita hin panahon, ginbiling na la namon gidaan, hin hilom la, an mga manhihiapi han paguwa ngan amon pinapag-aram han ira guguwaon. Naglalaom kami nga usa kasimana nga pag-insayo igo na nga ipakakatanog nira han ira tagsa nga bahin. Ini, mga kaginuuhan, labot la nga bag-o, himúrulsan ngan may katadungan ngan diri mahal: hin mga isurul-ot diri magkikinahanglan kay an aton
