ngan pipira nga kalalakin'an nga nananakay hin magraksot nga kabayo, ha butnga hin duduha nga kanastro nga ipi- nanhihigot ha magkasi kagiliran han hayop. Damo na ha ira in nakiinom hin tubig dida ha iya payag ha paglalabay ngan pinmahat hin isda. . . Yana ha panlabay nira ha iya daw sugad hiya hin igsasagudsod ngan pagtatamakan nira, ngan han ira mga paniplat, nga panhikaluoy o panhikaurit man ngan nanunulot ha iya bayhon.
Waray kaiha nanhiantaw an mga kabayuhan ngan hi Sisa ginminhawa. Pinagimaw niya an iya mata nadaliay pag-usisa kun harayo pa an bungto. May mga pipira pa nga tuko hin telegrama ngadto han bantayan, (2) Yana (2) Yana pa la hiya aabat han duro nga kahirayo hadto nga lalakton.
Ha ligid han dalan may ada marabong nga kakawaya- nan nga danay niya sirungan ha una nga mga panahon. Danay hiya ighimangraw dida hadto han iya hinigugma; bi- nubuligan hiya pagdara han lidong nga puno hin mga pru- tas ngan mga utanon; hay! linmabay na adto nga mga ad- law sugad hin inop; an iya hinigugma naginbana, ngan an bana nagginhaupan ngan asya na in paglaoy han kawaray palad ha ira panimalay.
Tungod kay mapaso na an adlaw pinakianhan hiya han mga sundalo kun karuyag hiya pumahuway. -Salamat, - binmaton, dako an kahadlok.
Kundi, diin hiya alpi hin totoo nga kahadlok dida na han pag-abot nira ha harani han bungto. Dako an kasakit naniplat hiya paluyuluyo: hagluag la nga kahagnaan, usa nga gutiay nga kali, mga kahoy nga namamaghimatay; waray gud umpas nga sadang pakahulugan, bisan na man la bato nga sadang hiuntugan! Nagbasol hiya nga inmupod hiya han kasundaluhan tubtob ngadto; iniliw niya an hala- rom nga salog nga harani han iya payag, nga hagtaas an pangpang ngan may dagko ug tais nga mga bato nga sa- dang pakamatyan! Kundi an panumdom han iya mga anak, han iya anak nga hi Crispin nga waray pa niya sabuta kun hain la, salit, gin-antos na la niya ngan manhunahuna; say nakatiwak hadto nga kadulman.
Unina. . . mapasingadto kami pangukoy didto ha sag-od han kagurangan!
Namahid han iya mata, inupay an panagway ngan su- miring han mga sibil hin hinay nga tingog: lini na kita ha bungto!
