-Diri na ako makakaghinulat ha imo, - nagbaton
hi Ibarra. Kun buot ka, umupod ka ha akon, dinhi ha
dalan makakahimo ka pagsumat ha akon han nahanabo ha
imo.
Nagpasalamat an tawo ngan waray kaiha mawara hira nga duha dida han kasisidman, dida han diri kaupay lina- wagan nga mga dalan.
_______________
XXIII
AN PAGTIBAWMay namamag-inggat pa nga mga bituon didto ha langit ngan an mga tamsi nanhihingaturog pa dida han mga sanga han kakahuyan nga managsinudoy ha bug-os nga bungto in mag-aringasa nga kapangon tipakadto ha danaw namamagsulo hin agupit.
Asya hira an lilima nga kadaragan'an nga magdag- mit an lakat, namamagkaragpot ha kamot o ha hawak, si- nusunod hin pipira nga tigurang nga babayi ngan hin mga suruguon liwat nga kababayin'an nga mga angayan tumuk- do hin mga lidong nga mga puno hin balon, mga pinggan ug iba pa. Kun pagkit on an maglipayon nga mga nawong han mga batan'on nga namamag-una, mga nawong diin na- rayhak an pagkabatan'on ngan nadan-ag an mga paglaom kun pagtan-awon an nagkakalulugay nga mag-itom nga bu- hok ngan han haglapad nga pilo han ira mga panapton, ma- kakasiring kita nga mga birilhon nga ladawan han gab-i nga namalagiw han kaadlawon, kun diri kita ngadaan sayod nga amo hira Maria Clara ngan han iya uupat nga kasang- kayan: an matawa nga Sinang, an iya patod ngan kuriot nga Victoria, an mahusay nga Iday ngan han matinungkuon nga Neneng, an kahusay nga mahadlukon ngan mapina- ubsanon.
Makusog an ira karukayakan, nagkikinatatawa, nag- gigipakutulkutol, naggigihuringhuring ngan katima manag- hinarahara.
-Magpapakahukaw kamo hinin mga tawo nga nan- hihingaturog pa! — iginmugo hira ni Dada Isabel; - ba man han kabataan pa kami diri kami sugad kamaaringasa.
-Ngan waray kamo pag-agma sugad ha amon ngan an kalagasan hadto diri magkaturugon! — nabaton an gu-
tiruro nga Sinang.
