Nangungukoy hira hin tigdali, nagtatalinguha paghi- ruhimangraw hin hinay, kundi nanhihingalimot layon, da yon liwat pagkakatatawa nga nakakapuno han bug-os nga dalan an ira mga binatan'on nga tingog.
- Pagpakasinasina, ayaw paglabti! - nasiring hi Si- nang kan Maria Clara; - awaya basi diri na haara hin maraot nga batasan!
-Ayaw gad man urauraha! — nasiring hi Iday.
-Hala, urauraha la ayaw palupig! An lalaki kina- hanglan magsugot kun aada pa ha pangasawa, kay unina kun bana na nagpapabuot na la han iya karuyag! - asya an sagdon ni Sinang.
Kalibutan mo hito, inday! - nabalingkot an iya patod, hi Victoria.
-Sst! saba, aadi na hira!
Matuod man gud nagtitidaop in kapangon hin ka- ulitawhan nga namamagsulo hin binutok nga bagakay. Wa- ray tawatawa an ira kalakat ngan dinuduyugan hin usa nga sista.
- Baga an sista hin usa nga makililimos! — sinmiring hi Sinang, nagtitinawa.
Han paghisurugat nira, an kababayin'an na man nanhimuot baga sugad hin diri pa mag-aram magkatatawa: an kalalakin'an lugod amo in namagyinakan, namamagha- tag hin katalahuran, nanhihiyom ngan nanmamakiana hin damo la nga iparakiana makakarawat man la hin tig-usa kapulong nga baton.
-Malinaw an danaw? Diri kita hiabutan hin maraot nga panahon? naghinpakiana an mga iroy.
-Ayaw kamo kabaraka, mga ginang; maupay ako lumangoy! binmaton in usa nga batan'on nga magasa, hataas ngan malapis.
- Naniningba unta kita anay! nagbibinasol hi Dada Isabel nga nagtitinakpo han iya mga kamot.
- Mahihimo pa gad, mana; hi Albino nga hadto nag- ipagparadi makakagmisa dinhi ha baluto, - binmaton in usa nga nagtitinudlok han hataas ngan magasa nga ulitawo.
Ini, nga dagway liwat hin kanan masuri, han pakabati la nga hinnanabihan hiya, nagpakamasamdong ngan pag- sinubaron hi P. Salvi.
Hi Ibarra, bisan kun waray tawatawa, irog gihapon han mga kalipay ug mga tiaw han iya kaupdanan.