Agaaga, agaaga pa gud magmisa hi P. Salvi ngan ma- papangumpisal(1) ha usa kadali hin napulo kagduha nga mga magpakasasala, patok han iya nababatasan. Baga nakadaot han iya ginhawa in pira nga surat nga linakrihan ha bawbaw nga inmabot hadto nga aga, kay hinmagkot la an sikulate waray gud paglabti.
- Maraot an lawas hini nga padi, may nasiring an iya parapanluto hamtang naglilinaso liwat hin sikulate; pira na hani kaadlaw nga waray kakaon: dida hiton uunom kapinggan nga sud-an nga akon idinudurot, duduha an diri ginlalabtan.
- Tungod kay diri nahangangaturog hin maupay, nagsumat an suruguon; tikang bumalhin hin sulod ka- nunay ginnginginarat. Nagtitilunod la ito mga mata, nag- giginasa nga uraura ngan madaragdarag na.
Matuod man gud; makaluluoy na pagkit'on hi P. Salvi. An ikaduha nga durot nga sikulate waray liwat paglabti, pati an hojaldre ha Cebu:(2) nagsisinuduysudoy la, puno hin kagupong, dida han haluag nga ruwang, may ginkukurumos. nga uusa nga surat dida han iya tulanon nga kamot, an surat danay kun usa basahon. Waray kaiha umaro han iya sarakyan, nag-ayad ngan sumugo nga idulong hiya ngad- to han tinutudkan han mamino nga dalakit, didto ha hara- ni han ginbabarakasyunan.
Inmukoy an sarakyan, han pag-abot ngadto han haligot nga dalan nga nasulsog ngadto han sapa. Pinalakat ni P. Salvi an iya sarakyan ngan sumurop ngadto han kakahu- yan hin waray upod.
Nagkawarawara hiya anay didto han masighot nga ka- balagnan, naglilinikay hiya han mga baknit nga nangangab- it dida han iya sutana nga ginggon, dapit paghawid ha iya; an mga gamot han kakahuyan nga nanlalabaw dida ha tuna hinpapakdulan han mga maglalakat nga diri didto batid tumara. Inmukoy hiya hin tigda: nadungog niya in mga hu- yayag nga katatawa ug mga tingog, ug adto nga katatawa ug mga tingog gumikan didto ha salog, ngan nagtitiharani.
- Mamimiling ako hin salag, - nasiring in usa nga makaruruyag ug matam-is nga tingog nga gilayon kinila- la han padi; - karuyag ko hiya hikit'an nga diri hiya makita ha akon, karuyag ko sundon bisan ngain.
