Masayon; may pira na katuig akon pinanhihigtan ha tiil, kun hira nagkakalupad na panguli, hin gudtiay nga papel nga akon sinusuratan hin Pilipinas ha iningles, kay natatahapan ko nga diri nanhihirayo ngan kay an iningles kasahiran nga yinaknan dinhi hini nga mga nayon. Naiha nga mga tuig an mga papel waray babalusa tubtob ngada han pagsuratan ko hin ininsik asya na nga han sunod nga Nobyembre nagpangabot may dara na nga lain nga mga papel nga akon dayon ipinapamasa: an usa ininsik ug asya in usa nga paghatag hin katalahuran tikang didto ha mga pangpang han Hoang-ho, ngan an usa man, natatahap an insik nga akon ginpakianhan, nga hinapon. Kundi ginlilinibang ko ikaw hini nga mga sumat ngan waray na ako pakapakiana ha imo kun ano an mabubuhat ko nga maupay ha imo.
— Nakanhi ako pakihimangraw ha imo mahatungod hin usa nga dako kaupay nga butang, —binmaton an batan'on kakulop han kulop...
— Gindakop na ito nga waray palad? - inmutod an lagas dara in dako nga pangalinsakob.
— Nahananabi ka kan Elias? Ano in paghibaro mo?
— Hinkit'an ko an Musa han Guardia Civil.
— An Musa han Guardia Civil! Hino ito nga Musa?
— An asawa han alperes nga waray mo kumbidaha ngadto han imo panagtawo. Kakulop han aga nahabantog ha bungto an nahanabo mahatungod han buaya. An Musa han Guardia Civil, nga sugad kamasabot han iya katampalasan, natahap nga tingali an paraulin asya an tawo nga nagtanlod han iya bana didto han lam-aw ngan asya man liwat an nagdabal kan P. Damaso; ngan tungod kay hiya nabasa han mga pasabot ngada han iya bana, han pag-abot la han alperes ngadto ha ira, nga hubog ug waray kalibutan, magsugo dayon kay nagdudumot ha imo, han sarahinte ngan hin mga sundalo basi pagsamukon an iyo kalipay. Pagtagam! Hi Eva maupay nga babayi nga gumikan ha kamot sa Dios... Nasiring nga hi Da. Consolacion maraot, ambot kun diin gikan nga kamot! An babayi basi magmaupay kinahanglan nga mag-agi anay, bisan la makausa, hin pagkadaraga kun pagkairoy man.
Hi Ibarra nahapahiyom ngan namulong hamtang nahukad didto han iya kartera hin mga papel:
— Adton akon amay danay ha imo makisagdon maha-
