10
iya maupay nga kaburut'on ngan waray na tumawa.
—Waray! — nagngurob ngan sumandig hin tigda ha
iya lingkuran.
An dominiko nagpadayon pagsumpay hin labi pa kamamara nga mga pulong:
—Mapait gad man gud ada an pagbaya hin usa nga
bungto nga gin-ukyan ta hin kanan karuhaan katuig ngan
hin-araan ta sugad han sutana nga sul-ot. Ako na la, iginmasakit ko an pagbaya ha Kamiling, ito ngani nga pira
la ako didto kabulan . . . kundi ginbuot han mga labaw tu
ngod han kaupayan han akon Orden . . . ngan kaupayan ko
man ngahaw.
Hi Fr. Damaso hadto nga gab-i pag-aabata pa la nga
duro an baga kadiri tuhay han pamurubuot. Waray kaiha
pumukpok dida ha butkon han iya lingkuran ngan, naghahangos, mamulong:
—Ano, may tuluuhan o waray? Karuyag ko sidngon, kun an kapadian may pagburut’an o waray? Ini
nga tuna hangangadto ha karat’an, aadto na ha karat’an!
Ngan lumiwat pagpukpok.
An bug-os nga ruwang kinalasan, naniplat dayon ngadto han nag-aalirong. An dominiko hinmangad pagkita
kan Fr. Damaso ha sirong han iya salaming. An duduha
nga taga lain nga tuna nga nagsusuduysudoy, nangukoy anay ha usa kadali, naggisiplatay, naggikitaay tigdali han ira
ngipon ngan magpadayon liwat han ira sudoy.
—Nagdaot an buot kay waray mo tawga nga Reverencia! — hinmuring hi Sr. Laruja ha talinga han mabulaw nga
batan’on.
—Ano an karuyag sidngon ni V. R. ? — nanmakiana
an dominiko ug an tenyente hin magkalainlain nga tingog.
—Salit damo in naabot nga mga karat’an! An mga
punuan naugop han mga waray pagtoo patok han mga panlawas sa Dios! — an iya siring, itinitigbaw an iya mga bahol nga kamaoo.
—Ano in karuyag mo sidngon? — binmalik pagpakiana
an nagkukuriot nga tenyente ngan ginmangkaaw.
—Ano an karuyag ko sidngon? — Sinubad ni Fr. Da
maso an pakiana, dinarudako pa an tingog ngan inatubang
an tenyente. —Pinamumulong ko an karuyag ko sidngon!
Ako, karuyag ko sidngon nga kun an padi nagbubuot nga
bukaron ha panlubnganan an lawas hin usa nga waray tu-
Page:An-Kaduntan-Han-Bungto-ni-Jose-Rizal-1962.pdf/20
This page has not been proofread.